رجل لم يكن له مثيل على مر العصور
معنديش اى كلام اقوله غير متسبناش يا مبارك
البلد هتولع
احنا بس كنا عاوزين شويه تغيرات واهوه بيحصل
بس انك انت تمشى
لا لا ومش هسمح لاى حد عاوزك تمشى
مش هسمح ان بلدى تنهار
مش هتسمح اننا نبقى مثل للعراق وفلسطين ولبنان
مس هسمح ان الخير يروح منها
بحبك يا مبارك
معنديش اى كلام اقوله غير متسبناش يا مبارك
البلد هتولع
احنا بس كنا عاوزين شويه تغيرات واهوه بيحصل
بس انك انت تمشى
لا لا ومش هسمح لاى حد عاوزك تمشى
مش هسمح ان بلدى تنهار
مش هتسمح اننا نبقى مثل للعراق وفلسطين ولبنان
مس هسمح ان الخير يروح منها
بحبك يا مبارك
.jfif)
15 التعليقات:
مبارك ♥ الاب ♥ اللى ضحى لجل وطنه لجل ما يعود النهار واللى اسم مصر دايما كان له طاقه الانتصار اللى حلمو حلمنا واللى فرحو فرحنا اللى نهر النيل بيجرى جوه دمو ودمنا يبقى واحد مننـــــــــا ايوه واحد مننــــــــــا مصر ايه غير الاصاله والقلوب الطيبين مصر ايد تبنى لولادنا حلم بكره والسنين ♥ ♥ ♥ بحبك يا مبارك اوى بجد انت رجل لم يكن له مثيل فى هذا الزمن وسنظل نحبك على مر العصور ♥♥
بتحبيه على أيه
شوفتي أيه حلو في بلدك من يوم ما اتولدتي علشان تحبيه أوي كده ومتسمحيلوش انه يمشي
مش كفايه 30 سنه قهر وظلم واهانه وذل
اااااااااااااااااااايه الي فاضل يعملوا فينا
والله حراااااااااااااااااااام
لو كنتي نزلتي يوم الجمعه وشفتي الأمن بيضرب فينا ازاي
مش مفرقين بين بنت ولد كبير صغير
انا نزلنت واتبهدلت واتضربت جسمي كله ازرق من ضرب الامن واحد زميله جاله ارتجاج في المخ
مع اننا معملناش حاجه غير اننا كنا بنتظاهر مع شباب كلهم ولاد ناس اوي ومستوى اجتماعي عالي اوي
وكنا بنقول طول الهتاف سلميه سلميه
كان جزأنا اننا اضربنا
بتحبيه على ايه بعد ده كله
والنهاره منزل بلطجيه يأيدوه الجبان
كانوا فين دول طول الأسبوع الي فات
ليه مطلعوش يأيدوه غير بعد الخطاب الكداب بتاعه
النهارده كان يوم أسود كان مرعب
عارفه يعني ايه رعب
عارفه يعني ايه تلاقي بلطجي في وشك وقاعد يضرب فيكي ويوقلك يا خاينه
انا اتعمل فيه كده
والناس حوليه كانوا سايحين في دمهم
هاااااااااااا اقولك كمان ولا كده كفايه
لازم يمشي دي بلدنا احنا وهو كفايه عليه 30 سنه
قهر وظلم لازم يمشي احسن ما يموت شعب بحاله
ربنا ينتقم منه ويذله
مش كل حاجه وحشه بتحصل هنقول مبارك السبب
لو فى ناس وحشه ومجرمين وبلطجيه فا دول الشعب الزباله اينعم مش كلو بس اللى عملوا كده ناس زباله
انا نزلت ومفيش حد ضربنا بالعكس كان الامن بيحافظ على الناس المحترمه اللى عملوا مظاهره سلميه
عاش 30 سنه معانا بس عمرو ما خلانا محتلين زى فلسطين ولا العراق ولا لبنان
اه فيه جوع وفقر واى بلد لازم يبقى فيها كده
وبالاخص احنا احنا 85 مليون الراجل ده حكم الكم الهائل منا لناس ده ازاى
كل واحد فينا فيه عيوب وهو اكيد كان غلط وعرف غلطه وبيصلحوا
ليه بقى نقل من كرامته ونخرجو منها بالطريقه القذره دى
هو كده كده تعبان ومش هينزل الانتخاب الجاى
نسيبو بقى يسمشى بكرامته
من غير مبارك والله هتولع
وحياه ربنا هنبهدددددل افهمووووووووووووا بقققققى حرام
مبارك اللي ضحى باهله واخواته عشان يفضل في الكرسي
مبارك وانجازاته العظيمه من حريق في القطار وغرق للعبارات وسرطنة المبيدات واختلاط مياه الشرب بالصرف الصحي وانتشار فيرس cوالسرطان
تذكري ان من احب قوما حشر معهم هل تريدين ان تحشري مع حسني مبارك بيديه الملوثتين بدماء الشرفاء يوم القيامه
ربنا الرحمن الرحيم بيسامح انت يا عبد مش هتسامح؟
عرف غلطته وبيصلحها ممكن تكون بعد ما خساير كتير بس خلاص هو فاق كان فى غفوه وفاق
نسامحه بقى
وبعدين كل ده من الحكومه والحكومه كلها اتشالت وهتتحاكم
ايه تانى بقى كفايه سيبوه يمشى بكرامته بلاش نقل منو بالطريقه دى افتكرو ليه حاجات حلوه
ويكفى اننا مش مستعرمين
احنا مستعمرين منه ومن رجالته اللي اكتشف فجاه انهم حراميه وان كان رئيس ومش عارف غلطه طوال 30 سنه يبقى ما يستاهلش يبقى رئيس ومش عاارف حق بلده واحنا مش عاوزين نعدمه احنا بنقدم ليه يسامحنا عن طلبنا ويمشي ويسبنا مش اكتر هو ده طلب كبير بذمتك ودينك ايه الاهم كرسي السلطه ولا يسيب الشعب يخبط في بعضه متهيالي الاحسن لينا انه يمشي ويسيب البلد تعيش في سلام
وعلى فكره الحكومه ما اتشلاتش راجعي اسماء الحكومه القديمه هتلاقي الاسماء متكرره زي احمد ابوالغيط وعائشه عبدالهادي ومشيره خطاب وانس الفقي وهاني هلال وسامح فهمي وفي ناس تانيه كمان هما هما يعني مفيش تغير اساسي غير 3 وزير الماليه والداخليه ورئيس الوزراء بلاش ضحك على الدقون هو ماعملش اي حاجه عمليه لحد دلوقتي وقولي حاجه واحده غير كلام (مش هترشح وهغير الدستور وابني مش هيترشح وسياسة الدوله هتتغير )كله كلام فين الفعل بالعكس سلط كلاب تاني تعض في الناس وزدها بله يعني مفيش فايده غير ان هو اللي يتغير
انت متحامل عليه جدا
واحنا كنا فاكرين العيب فى النظام والحكومه بس
العيب كمانف ى الشعب شوف اللى بيحصل وشوف الشعب اللى بيبيع البلد وكل حاجه عشان فلوس ولا عشان وجبه غدا ولا علشان كارت شحن
ولا فيزا تصفرو بره
نو كومنت على اى حاجه
ونتحامل عليه ليه يا نيره
ده ظالم وفاسد وطاغيه
ربنا عدل مش هيرضى انه بعد كل الي عمله في شعبه
يخرج بكرامه وكمااااااااااااان يطلع بطل
الله الله الله
والله برافوا عليه انه قدر يحولنا من شباب متحضر ومغير للفساد الي شباب مخرب ومدمر للبلد
دم كل شهيد وجريح في رقبته وهيسأل عنه يوم القيامه
والله والله والله ليتمنى ان اليوم الي مسك فيه السلطه لم يأتي ويلعن الأيام الي عاش فيها رئيس
وبعدين يعني ايه غلط وعرف غلطته
غلطته الحاجه الوحيده لتصلحها انه يمشي
ونسيب حسابه لربنا مش عايزين نحاكمه ولا نبهدله
ربنا انتقامه اعظم
فكري شويه يا نيره بعقلك وليس بقلبك
الراجل ده طاااااااااااااااغيه
وعايز يخرب البلد
حسبي الله ونعمه الوكيل فيه
يا زهره الراجل ده غلط وكلنا عارفين كده
بس خلاص بيصلح ده
كفايه اننا عشنا 30 سنه ممكن فقر وجوع بس كمان كنا بنام مطمنين
مكناش اخواتنا واجوزنا بينزلو يقفو قدام البيت للصبح حمايه للامهات والبنات
كنا بنام مطمنين بنام وحتى الباب مش متربس
مش دلوقتى اللى بنام وقافلين 100 ترباس علينا
وبردو خايفين
وكل الخراب واللى بيحصل كل ده شعب على حكومه على مجالس
بلا كل حاجه نرميها على الريس ولا على الحكومه وبس
وادى اللى بيغلط دلوقتى بيتحاسب يعنى الراجل خلاص بيعمل اللى كان غلطان فيه
وبيصلح من حواليه
لو ساب البلد دلوقتى هتخرب مترميش ودنك يا زهره للغلط
الاجانب دخلوا البلد وبيحاولو يخربوا
وبيرشو الناس والبلد لوحدها تعبانه وهتخرب اكتر
يارب استرها علينا واحمينا واحمى البلد دى يارب
السلام عليكم
اقسم بالله العظيم انا ما قادر استوعب مبرر واحد من اللى انتى بتذكريه لحبك للمخلوع حسنى مبارك
ازاى بس ..؟!
عملك ايه حلو ..؟!
انتى بتقولى أمان .؟!
امان ايه هو احنا لازم نذكرك امثله ..؟!
هو انتى عايشه فى دوله تانيه ..؟!
انت مش بتشوفى كميه الشحاتين اللى فى الشوارع ..؟!
مش بتشوفى التبرعات اللى بنلمها علشان حته مشروع مستشفى مش عارفين نكمله
انتى تعرفى ان قناه السويس بالعمله الاجنبيه
انتى تعرفى احنا بناخد معونه اد ايه من الدول العظمى
انتى تعرفى ان دول العالم كلها او معظمها بتسرق من اغنى دوله فى العالم مصر
انتى تعرفى ان جمال مبارك يملك نص مصر
مشارك فى اكبر مشاريع على ارض مصر
كام مره سمعتى كلمه تغيير من اصغر المسؤلين حتى اكبرهم على الفضائيات ..؟!
انتى شفتى المدن المصريه الكتيره اللى معندهمش ميه
طيب شفتى بقه المدن اللى فيها أبراج كبييييييييييره وكتيره
طيب سيبك من كل ده
سيدنا عمر بن الخطاب رضى الله عنه وارضاه كان خايف من عقاب ربنا له حيث انه كان بيفكر فى الدابه اللى ممكن تتكعبل فى حجره فى طريق هو ما ظبطهوش كويس
اعملى مقارنه بينه وبين الرئيس المخلوع حسنى مبارك
.
يا نيره
لو ربنا سبحانه وتعالى حاسب مبارك بذنبى انا بس هيدخل النار
تخيلى بقه هو حكم اد ايه من ناس ماتت مظلومه وناس عايشه مظلومه
انا لو فضلت اتكلم عن فشله فى حكم دولتنا مش هخلص كلام
اكتفى بذكر توشكى
اكبر مشروع فاشل فى العالم
والنبى خلينا ساكتين
بس انتى عارفه ..؟!
وحشتنى مدونتك بجد
من زمان ما دخلتش عليها
وما كنتش احب ازورها والاقى فيها تدوينه فى حب فاسق
عموما اختلاف الرأى اكيد بينى وبينك عمره ما هيفسد للود قضيه .. صح ..؟!
ودى وإحترامى :)
بجد مش عارفه اعلق واقول اى حاجه لان كلامك صح وهو غلطان وانا عارفه
والحكايه مش حكايه حب الحكايه حكايه انا ولا بحبو لاو بكرهوا
بس الراجل ده له تاريخ على اد ما فى كتير وحش بس فى حاجات بردو حلوه
ودلوقتى احنا بنهينز يعنى بنهين بلادنا
احنا متعودناش نهين رموزنا حتى لو كانت رموز فاسده
كل اللى بطلبوا اننا نسيبوا يخرج بكرامته
بلاش نبقى زى دول تانيه
نفتكرلو الحلو بس لحد ما يخرج
بلا اهانه
متزعلش منى بجد ومش عاوزه حد يزعل منى
بس انا فعلا مش عوزاه يتهان
وانت كمان كتير وحشتنى كومنتاتك ولو غبت تانى احتمال اعورك واقفل المدونه واروح انتحر بقى بس ها
السلامو عليكم
نيره
وحشتيينى جدا انا جاى اطمنك عليا انا تمام والحمد لله
متقلقيش عليا
ما انتى عارفانى
بس الظروف اليومين دول اديكى شايفه وعارفه
المهم انتى عامله ايه فى الخراب اللى بقينه عليه
شفتى اللى بيحصل فى كل حته
الظالم منه لله
بالنسبه بقى للبوست ده
فاانا معنديش ولا كلمه واحده اقولها غير
ربنا ينتقم من كل ظالم مفترى
وكل خاين خان الامانه
وكل راعى مسألش عن رعيته
جعنين
عريانين
متنيلين بستين نيله
لقين شغل ولا لاء
عارفين يتجوزو ولا لاء
مش مهم
هو هامه نفسه وبس
ال40 ولا 70 مليار بتوعه لو اتوزعه على الشعب
احسبيها انتى بقى كل واحد كام
كل راعى مسؤل عن رعيته
شوفى بقى يانيره من الراعى ومين الرعيه وياترى كان امين ولا لاء
المهم من مبارك انتى عامله ايه
سيبك بالا مبارك بالا برادعى
نونا عامله ايه وحشانى جدا جدا
جداااااا
ابقى طمنينى عليكى وهبقى اكلمك انا لانى غيرت تلفوناتى
خلى بالك على نفسك
لا اله الا الله
محمد التركى
هااااااااااااااااااا قوليلي
طعم الحريه حلو ولا لأ
مش حاسه احساس تااااااااااااني
ياريت تكوني عرفتي انا كنت ليه مصممه ننزل المظاهرات
مش حاسه ولا بحريه ولا نيله
حاسه انى روحى بتموت وكرامتى اتهانت
إرسال تعليق