شمس وبحر ونسمه شقيه بتوشوشنى بأسم حبيبى تيرارا
شمس غروب بدوب فى الميه وانا فى هواك دايبه يا حبيبى
احم لا انا معلش كنت بدندن شويه اصلى اندمجت مع الصوره
احب اقولكم بقى انى هحرمكم من رخامتى شويتين كده علشان اخيرا هروح معشوقتى الوحيده وهى الاسكندرررررررررريه
واخيرا هاكل فرسكا واخيرا واخيرا هاكل سمك طازه واخيرا واخيرا هروح عند حبيبى وروح قلبى وانيس وحدتى قدام البحر بير مسعووووود
يسلاااااام لو الواحد يفضل عايش كده قدام البحر الله الله بقى
يلا ما علينا......
اشوفكم على خير بقى وهتوحشوووووونى كتييير اوى وكل بنوته تخلى بالها من نفسها وكل ولد يراعى ربنا فى البنت اللى بيرد على بوست ليها او بيكلمها
يلا خلو بالكم من نفسكم
اجــــــــــــــــــــــــــــــــــــازهــــــ
4 التعليقات:
احم احم
سلامو عليكو
حتي انتي يا نونا
محدش بيحس بينا خالص كده
يا بنتي انتي بتغيظيني يعني عشان انا لسه عندي مشروع
وعندي جيش بعد المشروع
ومش هلحق حتي اشوف بحر اسكندرية
انا عارف ان اخري هصيف تحت الدش
يلا رحلة سعيدة يا قمر
وافتكريني بقي باي حاجة وانتي جاية
حتي لو شويه مية مالحين
مع السلامة يا جميلة
هههههههههههههههههههههههههه معلش يا بودى بقى خليها عليك اوحى تزعل بس عموما انا ابيع امى عشان اسكندريه مش اصحابى هههههههههههههههههههههههههههههههههه
لا طبعا على طول هفتكركو اكيد انتو فى عيونى وهجبلك شويه ميه مالحه وقوقعه وكمان فرسكا معايا
وربنا معاااااك يارب فى المشروع والجيش يااااااارب
ياه أسكندريه هتنور والله العظيم
أكيد أنتى لسه فى اسكندريه والله لو كنت أعرف كنا أمنا بالواجب
ياعنى نولعو فى كوبرى أستلى أحتفالا بوصول نونا الى أراضيها
نفجر فى برج الفورسيزون فى سان ستيفانو
ونعلن مسؤليتنا ونهدى التفجير لوصولك اسكندريه
اى حاجه عيزين نعمل واجب
طيب تيجى بالسلامه ياستى أوعى تنسى تكلى آيس كريم من عند الصعيدى فى بحرى
أو من عزه بس نصيحه الصعيدى أحلى
ولا تكلى رز باللبن من عند الشيخ وفيق
على فكره احلى حاجه فى اسكندريه التمشيه على البحر بالليل وأكل الترمس يااااااااااااه
طبعآ لو حلفتلك أنى بقالى مده كبيره معملتش كده وانا المفروض بينى وبين البحر كام شارع
بس نعمل ايه الشغل بقى والصحيان بدرى
ياله تيجى بألف سلامه
تقبلى مرورى
مستنى رأيك فى البوست الجديد بتاعى
تقبلى ودى وحبى لأجمل عنين
محمد التركى
محمد التركى
بجد بجد بجد انا بحسد كل حد عايش فى اسكندريه او ليهم شقه هناك حتى
بجد متتتتتتتتتعه
حاجه كده فوق الخيال بجد انا بعشق حاجه اسمها اسكندريه وبير مسعود والقلعه
وعلى فكره انا كلت ايس كريم من عند عزه وكلت فريسكا لماااااااا شبعت وكلت زلابيه كتيييييييير موت والله راجعه زايده 3 كيلو
عاجبكم كدا هخسهم ازاى دول
بس يلا كلو فدا اسكندريه وبحرها
ومعلش يا محمد المره الجايه بئا هقولك انى جايه عشان الاقى كل الكلام الحلو والاحتفالات دى كلها
وتسلملى يا قمر على الكومنت وعلى مرورك ونووووووووووووورتنى كتيييييييير
إرسال تعليق