سلام عليكم
بصراحه انا بقالى كده كام يوم مخنوقه جدا وكل اللى بعمله انى بفضل اعيط
لان انا بطبيعتى العياط بيفك خنقتى بس المشكله انى بفضل كتير اوى اعيط
والخنقه مش بتروح فقولت اقوم اصلى وادعى ربنا ان يفك الخنقه دى
ويقرب الحاجات البعيده عنى قومت صليت ودعيت ربنا كتير اوى والله
وبعدها دخلت نمت قولت يمكن احلم او الاقى الحاجات دى بتقرب
زى ما انا ما عايزه بس ده محصلش اللى حصل ان الخنقه ذادت
ومش عارفه انا ايه اللى بيحصلى ده فكرت انى اخرج
بس لقتنى بردو مش عارفه اروح فين ولا اخرج مع مين
المشكله انى عاوزه انعزل عن الناس لفتره
حاسه انى عاوزه اعد لوحدى فى مكان ولا حد يعرفنى فيه
ولا اعرف فيه حد بس مينفعش اسيب حالى واهلى والناس اللى بتحبنى
واعد لوحدى بجد نفسى الحياه تتغير بدل ما هى كلها شبه بعضها كده
وخنقه وملل وزهق ياترى ممكن الواحده تغير حياتها ازاى وبأيه؟
انا بجد تعبت وزهقت من كل حاجه !!!!!!!
25 التعليقات:
خير ياقلبي يارب ما تشوفي شر
كلنا اوقات بنحس بالخنقة وبنكون مضايقين
لكن فترة وتعدي
انا معاكي انه العياط بيريح جداااا و الصلاة والدعاء لله كمان
خدي وقتك و حاولي تنفضي للمشاكل ولكل حاجة ومتفكريش بالحاجة الي خنقاكي
وتوكلي على الله وربنا يسهل
تحياتي حبيبتي
في ايه يابنتي
هو ايه الحكايه الي منتشره بين الشباب دي
ربنا يفك كربك وهمك ياحبيبة قلبي
ياااااادى الحظ..البلوج عندك مليان حجات رومانسيه وضحك يوم ما ادخل الاقى فى وشى توبيك اكتئاب..:))
بقولك ايه تعالى عندى تانى البلوج,, 3 بوست طوالى هتلاقى فيه رساله للاخوه المدونين المكتئبين...شوفيه يمكن يمكن تعرفى انك مش لوحدك اللى كده..
ونصيحه بجد اوعى تستسلمى للاحساس اللى عندك ده..اوعى تحبسى نفسك ومتشوفيش حد بالعكس اخرجى واتكلمى مع اى حد الحاله دى بشعه ولو مسكت فيكى مش هتسيبك ولو بالطبل البلدى...
على فكره يا نيره
أنا عارف الحل بس مش عارف ان كنتى هتوافقينى فى كلامى ولا لأء
عموما يا نيره لازم تعرفى ان بدل أنتى صليتى ودعيتى ربنا ولسه الخنقه عندك والبعيد مش بيقرب يبقى لازم تتأكدى ان ربنا مش راضى عن اللى انتى عايزاه
فكرى شويه يمكن اللى أنتى عايزاه مش خير ليكى
ولازم تكونى واثقه ان ربنا لازم بيقدملك الخير
كل اللى طالبه منك انك تفكرى بس وأنتى هتلاقى الحل
وربنا يفك عنك يارب ويريح بالك
نواره
حبيبته قلبى نورتى البوست
تسلملى يا نورا على نصايحك يا حبيبى
ربنا يخليكى ليا
مواااااااااه ليكى يا قلبى وبس
مونى
يسمع منك ربنا يا مونى يا موزتى
نورتى يا قلبى البوست
الشعب لابد له من حكومه تشكمه
شوشو حبيبته قلبى نورتينى
معلش يا قمرى بقى حظك :'(
تسلمى يا عيونى على نصايحك دى ونورتينى وشرفتينى
الشاعر الحزين
علاء نورتينى يا علاء وفرحت والله انك شوفت هنا عوده حميده تانى وسط اخواتك
ممكن يا علاء اللى بفكر فيه مش خير بس المشكله انى انا اللى مخنوقه لكن اللى بفكر فيه بيقرب يوم عن يوم لكن انا حاسه انى مخنوقه ومش عارفه سبب خنقتى
ربنا يسمع منك والخنقه تروح باذن الله
نورتنى والله يا علاء
شفتي بقي كنت قلقان من ايه اممممممممم بعد السلام عليكو
بصى انتى صليتي وعملتي الى عليكي تمام ميه ميه كل ما يصيبنا الا ما كتب الله لنا اتفائلى ديما واتوقعي خير طول مانتى مشايه صح وخليها على الله ر بنا مش بيجيب حاجه وحشه ليه مش تقولى ان ده اختبار من ربك ليكي انك تقدرى تتحملى ويكون عندك طاقه من دلوقتي عارفه انا لما بتعب دلوقتي بفرح ليه ؟؟
عشان بعد كده بمعني انى بتحمل من دلوقتي ضغوط وتعب ومشاكل اقدر بعد كده اواجه اكتر واكتر الاول كنت ببقي قلقان وفى خوف منك عليكي دلوقتي الحاجه دي كبرت واتبدلت انك هتكوني فعلا اد مسئوليه على الحلوه والمره ؟؟ فهماني؟؟ اقعدي مع نفسك وفكرى شوفي الى ايه تعبك دلوقتي وقولى كل حاجه مفيش مخلوق فى دنيا يستوعبك أدي انا وجربى وقوليلي وصلى تاني وتالت وادعيلك وادعيلى وربنا يفك قربك وضيقتك يارب ..بحبك
وعليكم السلام يا حبيبى
ان شاء الله طول ما انت معايا الخنقه بتروح ومش هترجع تانى
لانى من غيرك ولا حاجه
وانا مش بحبك انا بعشقك
وقولتلك انا علشانك اتحمل اى حاجه خلقها ربنا فى الكون كله
ربنا يخليك ليا يا بودى ولا يحرمنى منك ويقربنا لبعض باذن الله
كيفك ياقلبي
ان شاء الله بقيتي كويسة
ابقي طمنيني عليكي
ربنا يريح بالك ويحققك امنياتك
دمتي بالف خير
ربنا يخليكى ليا يا نواره يا قلبى
مش تقلقى يا روحى انا الحمد لله بقيت كويسه
ربنا يخليكى ليا يا عيونى
امواااااااااااااااااااااااااااااه
دى شوطة وماشية فى البلد بس عادى ربنا يفك خنقتنا كلنا انا اسمى رامى خليها فى سرك بقى هشششششششش
يارب يا رامى
هيييييييييييييييه عرفت الاسم وهفضحك وهييييييييييه
انا كنت جاية فى مهمة رسمية وماشية
لاقيتك بتقولى مضايقة وزهقانة
وبتعيطى وقريتى قران
والخنقة برضه مش بتروح
بصى انتى تروحى تاخدى دش
لا قبل ما تاخدى دش
تبعتى البواب ولو معندكيش بواب
تنزلى انتى بذات نفسك
تشترى بيبسى كانز
وشولاتةكادبورى او كورونا
واى حاجة حادئة زى الشيبسى
او بيتزاية صغنونة
من عند اى مخبز جنبكم
ولما ترجعى البيت تحطى الكانز فى الفريزر
وتحطى الشكولاتة فى احر حتة عندك فى البيت
زى مثلا البلكونة على السور تحت الشمس
وتدخلى تاخدى دش حلو كدة
بشاور جل ريحته لمون او فانليا
وتلبسى حاجة مرحرحة
ومتسرحيش شعرك
سيبيه زى ماهو بعد ماتغسليه
وروحى هاتى الشكولاتة من البلكونة والبيبسى من الفريزر واتفرجى على فيلم اجنبى لا يت كوميدى
او فيلم عربى من كلاسيكيات السينما المصرية
حاجة كدة بتاعة زمن محمود يس مع نجلاء فتحى
او سعاد حسنى مع احمد مظهر
و كلى الاول كيس الشيبسى او البيتزاية
واشربى البيبسى الكانز المشبر اللى جواه تلج مجروش وكلى الشكولاتة السايحة ومتنسيش تلحسى ورقة الشكولاتة قبل ما ترميها
وممكن تجيبى ربع كيلو سودانى بالشكولاتة
تقزقزى فيه بعد ما البيبسى والشولاتة يخلصوا
بس خلاص
انا بقى كنت جاية اقولك
شكرا ليكى يا نيرة علشان دلتينى على مكتبة نعمان
لانى رحتها فعلا امبارح وجبت من عندها اكتر من 100 عدد من الشيطين ال13
ماتحرمش منك ابدا
سلام
اختك خيخة
ههههههههههههههههههههههههههههههههههه
انا تعبت يا خيخه والله من كتر البيتزا اللى باكلها بس والله فكره حلوه حكايه انى الحس ورقه الشيكولاته دى الله وهبقى ملحوسه بس والله حلوه اوى احساس اللحوسه ده
لا يا خيخه متقوليش كده احنا اخوات بس طالبه منك القرب فى شريف ابنك :$:$
سلام يا حبيبتى
بصراحه جالى رد من واحد معندوش دم قولتله مش تدخل المدونه بتاعتى تانى وده مش بيحس بردو احب اقولك يا فرعون مش تدخل هنا تانى فهمت يا اخ ولا اقول تانى؟ خلى عندك كوبايه فراوله بلاش دم ال ارجعى للانجيل قال سبنهولك انت يا حيله ماما
نيررررررررررره انتي فيييييييييين
وحشاني :(
ربنا يسعدك دايما وترجعلنا بالسلامة
ربنا يسعدك دايما
ممكن اخد من وقتك دقايق
تشوفى مدونتى يمكن تلاقى الحل
جربى
مونى انتى كمان وحشانى يا قمر
ميرسى على سؤالك يا قمرايه
نيره انتي فين :(
معلش يا مونى انى غبت عنكم شويه بس والله غصب عنى وادينى رجعت تانى مس يوووووو كتير ليكو كلكو
بعـد كلآم خيخه طبعاا مفيش كلآم ..
بس إنتي حاولي متعديش مع نفسك كتيير .. لإن هو ده السبب الرئيسي ف الخنقه والملل ^ عن تجربه والله ^
حاولي انك تبقي دايما محاطه بالناس .. إنزلي اتمشي مع نفسك كده عالكورنيش .. أو حتى ف الشارع مفيش مشاكل
ادخلي سينما .. بس متنعزليش وتقعدي لوحدك ..
لو ده منفعش .. قوليلي وانا هاجي انتحر معاكي .. ههههههه
حَـبآيـۃْ.بـטּـدۉڷ
هههههههه لا ان شاء الله مش هقعد تانى لوحدى
وهحاول اعمل الىل انت بتقول عليه ده
وبعد الشر عليك من الانتحار يا جميل ربنا يديلك طول العمر نورتنى وشرفتنى بزيارتك
إرسال تعليق