قرب اجمل شباب جوه الفيس بوك
كل اللى عايزو هنا موجود
حركات شباب كدب مظبوط ووشوش محمره
اللعب على ودنه رسم الشباب بقى لعب عيال
نعمل دماغ ونلف بروفيلات وال ايه بنتسلى
على ايه بلوك دليت بلا قرفه
هيجى هديلو بالسرمه ولا يجيبلى فى يوم حورات
وشويه يدخل يقولى نايس فوتو تعالى امال اقولك هنا
حدوته
يعملى ادد وينعم صوته ويقولى نتأنتم
ويسيبنى ويروح لغيرى فى نفس الميل تثبيت تمام وحوار
مرسوم
حافظ الكلام عايش فى الدور بيخم فى الضلمه
على ايه بلوك دليت بلا قرفه هيجى هديلو بالسرمه ولا
يجبلى فى يوم حورات
7 التعليقات:
طبعا اول تعليق فى الموضوع ده بالاخص هاخدو انا
اولا الاغنيه دى انا مألفهاها والله وانا اعده بفكر فى بوست يكون لذيذ
فا قولت امال أألف اغنيه عن شباب الفيس توك(اقصد الفيس بوك) فا لقتنى بكتب الاغنيه دى
ده غير كمان انى بفكرلها حاليا فى لحن
طبعا فى ناس كتير بتدخل فيس بوك
بس بمعنى اصح ناس محترمه مش داخله تتسلى ببنات شباب كويسين مش شباب (سيس) من بتوع بابى ومامى واخواتى اللى بيفترو مربى يوماتى
وسورى لكل الشباب بقى انا حددت انا اقصد مين بالاغنيه يا شوباب
وسورى يا عبدو (انسان عادى) مش اقصدك والله انا عارفه انك انسان محترم
اسيبكو مع البوست :$
hi there..
so we all be waiting for this song
all wishes in your new project
best regards
هعتــبر نفسي اول كومنت برده .. انا وانتي واحد يا نيـره بقى ^_^
بس إيه الدمـاغ العـاااااليه دي .. ومعـاكي حق فعلا ..
بس اهو كل حاجه فيها الحلو والوحش ..
تسلمي بجد .. عجبتني خااالص .. ^_^
gmr14
thnx 4 comment
i'm so happy for your visit
حَـبآيـۃْ.بـטּـدۉڷ
حبيبته قلبى ميرسى اوى على مرورك ويارب تكون بجد الاغنيه عجبتك
وقريبا هتشوفو اول اغنيه فى الالبوم بتاعى هههههههههه
اشمعنى ابو الليف
هو عمل اغنيه عن الفيس بوك والباص ورد وانه بيلعب بينج بونج
انا كمان هعمل اغنيه على شباب الفيس توك
وانى بلعب فى عين اختى بس ها
نينو
ايه ده كله ايه ده كله
مكنتش أعرف انك شاعرة جامده كده
بصي الفيس بوك ده حاجه تخنق
مع اني عندي أكونت عليه بس بقالي عمر متدخلتوش
رخم وسخيف
وكله واحد وواحده حاطط صورته
وأقرأي بقى التعليقات تحتها حاجه بجد سخيفه
مش بيعجبني أو يمكن أنا الي موضه قديمه
المهم في ده كله انا مبسوطه اني أكتشفت الشاعرة الي جواكي
وأي كلمات عايزه الناس متسمعهاش أبعتيهالي وانا هغنيها على طول
أختك أصلها كروان الشرق
تحياتي ليك يا جميله
ههههههههههههههههههههههه
الفيس بوك ده منبع التفاهة
دى وجهة نظرى
من كل بستان زهرة
قلبى ميرسى على مرورك بس فعلا انا بردو ليا اكونت عليه واعدت فيه فتره بس قرفت خنيق جدا
وعلى فكره انتى احلى من اى كروان
واكيد هبعتلك الاغنيه دى ابقى سبيلى ميلك فى مسج عشان انا عملتلها لحن خفيف كده
تسلميلى بمرورك
!! a7mad sala7 !!
اولا ميرسى جدا لمرورك يا احمد
بس ممكن يكون وجهه نظرك فى الفيس بوك انه تافهه
ويمكن ناس تانيه بتحبو
وطبعا اختلاف الرأى لا يفسد للود قضيه
إرسال تعليق