السبت، 16 أبريل 2011

احساس الوحده



اصعب حاجه فى الدنيا انك تحس انك لوحدك
حتى لو كل الناس حواليك حتى لو اللى حواليك دول ناس بتحبهم اوى وواثق انهم بيحبوك
بس اوقات بحس ان حتى الناس اللى بيحبونى لا مش هو ده الحب اللى انا عوزاه
الحب اللى عوزاه حب حبيب لحبيبتو مش حب اصحاب او اخوات او اصدقاء
كل مره بقول انى مش هفقد الامل وان على يقين ان ربنا مخبيلى حاجه حلوه لسه معرفهاش
لكن خلاص كل يوم عن يوم بحس بأحباط وبحس انى هفضل عايشه لوحدى
دلوقتى كل حد قريب منى بقالو حياتو الخاصه
اختى وربنا يخليلها خطيبها ويهديهم لبعض يارب
ووالدتى طبعا مشغوله بشغل البيت
وندى صحبتى كليتها ومذاكرتها وحياتها مبقتش معايا
وهدى صحبتى التانيه شغلها واصحاب تانين ليها
بس انا برغم انى ممكن تكون فى حاجات بتشغلنى الا انى حاسه انى لوحدى
مش عارفه هل ده احساس لفقدان الانسان اللى كنت بحبو
ولا لفقدان احساسى بالحب نفسو
والله انا مبقتش عارفه حتى مبقتش عاوزه اكتب قى المدونه حاجه بس انهارده صحيت لقيت نفسى مخنوقه
وعاوزه اتكلم وحلمت حلم غريب يمكن ده السبب فى كلامى
حلمت بالانسان اللى كنت مرتبطه بيه مع انى والله مبقتش افكر فيه نهائى بس مش عارفه ليه
حاسه انى مخنوقه نفسى بجد وبتمنى من ربنا انو يمحيه من دماغى
ويمحى الفتره اللى عشتها معاه من ذاكرتى
نفسى بجد وبدعى ربنا يعضونى بأنسان
يحتوينى ومش بس يكون حبيب يكون ليا اخ وصديق واب
واب دى قبل اى حاجه لانى بجد وحشنى اوى احساس الابوه الله يرحم يا بابا
نفسى اوى فى الاحتواء ده نفسى ابقى حاسه امان بأنسان كويس يراعى ربنا فيا
ويتعامل معايا مش على انى واحده عارفها وخلاص او وقت وهيضيعو لا يعاملنى على انى واحده من اهلو
عشان كل ما يفتكر انى حد من اهلو اكيد مش هيقدر يعملى حاجه وحشه
يارب حققلى اللى انا عوزاه
عشان بجد خلاص انا
تعبت

10 التعليقات:

♥نبع الغرام♥♪≈ يقول...

ينفع كده اغيب يومين ارجع الاقيكى كده ينفع

والله حرام عليييييكى اللى بتعمليه بنفسك دا يابنى

طبعآ كلنا مرينا بأمر من كده واصعب كمان
بس كده هيجيلك اكتئاب

اصبرى واطلبى من ربنا يحقق ليكى كل اللى بتتمنيه وبجد مافيش حاجه بعيده على ربنا

انا زيك ابويا مات قبل ما اشوفه وامى حامل فيا ونفسى اوى احس الاحساس دا

يارب حقق لحبيبتى كل اللى بتتمناة واسعدها وعوضها كل الخير واسترها يارب

^_^

♥نبع الغرام♥♪≈ يقول...

على فكرة بحبك اوووووووووووى

وعاوزاكى تخلى بالك من نفسك عشان خاطرى

وياريت تسيبلى رقمك عشان اكلمك فون اوكيه ياقلبى
امووووواة
\

انوسه

NaiRa يقول...

انا بموووت فيكى يا انوثه والله يا حبيبتى وبجد انتى اكتر حد طيوب قابلتو فى حياتى
وانا على يقين لسه ان ربنا مخبيلى ان شاء الله حاجه كويسه يارب ويهديلك انتى كمان الحال ويعوضك بانسان يكونل يكى اب واخ وزوج صالح

كريمة سندي يقول...

يارب يمحي الذكريات الأليمة ويبقي لك الذكريا السعيدة اللهم آمين

FM-Egypt for make up and original parfumes يقول...

السلام عليكم
ندعوكم لزيارة مدونتنا الجديدة
ميك آب اف ام المعدني الطبيعي 100% والمصنوع من معادن الأرض .. وبرفانات أوريجينــال
http://fm-egypt-group.blogspot.com/

محمد التركى يقول...

نونااااااااااا

ايه يابنتى ده فى ايييييييه
كل ده ليه ياعنى
براحه شويه على نفسك
وبعدين ايه طوله الغيبه دى
ارجعى بسرعه بقى ياله البلوجر وحش من غيرك والله

ياله انا مستنيكى فى بوست جديد

تحياتى لاجمل عيون على البلوجر كله

محمــد التركــى

♥نبع الغرام♥♪≈ يقول...

حبيبتى حبيبتى حبيبتى

وحششششششششششششششششششتينى اوووووووووووووووووووووووووووووووووووووووى

♥نبع الغرام♥♪≈ يقول...

ارجعى طولتى غيابك انا كنت غايبه ومن زمااااااااااااااااااااااااان مش دخلت المدونه يادوب لسه راجعه

ارجوكى حبيبتى طمنينى عنكى ولو برساله صغيرة

بالله عليكى حبيبتى لانى قلقانه عشانك اوووووووووووووووووووووووووووووووووى

NaiRa يقول...

حبيبتى يا انووووووووووووثه ربنا يخليكى ليا
انا بس كل الموضوع مش قادره اكتب حاجه الفتره دى لكن انا مش نسياكى ولا ناسيه المدونه والله وحشتييييييييييييييييييييييييييييييييينى موت

♥نبع الغرام♥♪≈ يقول...

ماليش دعوة ارجعى بقا يا بت انتى ماليش دعووووووووووووووووووووووة

اكتبى اى حاجه
وحشتينى

إرسال تعليق

Love is...
© دنيا الاحلام - Template by Blogger Sablonlari - Font by Fontspace