دنيا الاحلام

تغــــــــــــيــر

2011-10-22T23:39:00.004+02:00

وحـشتونى اوى بس بصراحه انا انهارده مش جايه اتكلم

انا انهارده جيت عشان مبسوطه

وقريبا جدا هقولكم انا مبسوطه ليه

عشان طبعا مش هخبى عليكم حاجه

من انهــــارده

حـــيــــاتى هتـتــغيـــر

ربـــنــا يـــســتــر

غيرت حياتى

2011-09-09T22:20:00.003+02:00

كــل شيء معـكـ … أريده ان يتسعِ و يكبـر حــبــكِـ ، ، … حنـانـكـ ، ، خوفـكـ عليِّ، ، إِلاّ حضنكـ ، ، ، أريـــده أنـ يخنـــقــني.. ♥♥

هفضل لوحدى !!!؟

2011-07-12T06:11:00.002+02:00

كم حلمت أن أجد شخصا يفهمني ويهتم لمشاعري ....
ويسمع كلامي...ويشاركني بصمتي....
ويقف جانبي بأحزاني....
لا لأجل شي بل لأنه يحبني وتبقى الأحلام " أحلام"

احساس الوحده

2011-04-16T14:44:00.004+02:00

اصعب حاجه فى الدنيا انك تحس انك لوحدك
حتى لو كل الناس حواليك حتى لو اللى حواليك دول ناس بتحبهم اوى وواثق انهم بيحبوك
بس اوقات بحس ان حتى الناس اللى بيحبونى لا مش هو ده الحب اللى انا عوزاه
الحب اللى عوزاه حب حبيب لحبيبتو مش حب اصحاب او اخوات او اصدقاء
كل مره بقول انى مش هفقد الامل وان على يقين ان ربنا مخبيلى حاجه حلوه لسه معرفهاش
لكن خلاص كل يوم عن يوم بحس بأحباط وبحس انى هفضل عايشه لوحدى
دلوقتى كل حد قريب منى بقالو حياتو الخاصه
اختى وربنا يخليلها خطيبها ويهديهم لبعض يارب
ووالدتى طبعا مشغوله بشغل البيت
وندى صحبتى كليتها ومذاكرتها وحياتها مبقتش معايا
وهدى صحبتى التانيه شغلها واصحاب تانين ليها
بس انا برغم انى ممكن تكون فى حاجات بتشغلنى الا انى حاسه انى لوحدى
مش عارفه هل ده احساس لفقدان الانسان اللى كنت بحبو
ولا لفقدان احساسى بالحب نفسو
والله انا مبقتش عارفه حتى مبقتش عاوزه اكتب قى المدونه حاجه بس انهارده صحيت لقيت نفسى مخنوقه
وعاوزه اتكلم وحلمت حلم غريب يمكن ده السبب فى كلامى
حلمت بالانسان اللى كنت مرتبطه بيه مع انى والله مبقتش افكر فيه نهائى بس مش عارفه ليه
حاسه انى مخنوقه نفسى بجد وبتمنى من ربنا انو يمحيه من دماغى
ويمحى الفتره اللى عشتها معاه من ذاكرتى
نفسى بجد وبدعى ربنا يعضونى بأنسان
يحتوينى ومش بس يكون حبيب يكون ليا اخ وصديق واب
واب دى قبل اى حاجه لانى بجد وحشنى اوى احساس الابوه الله يرحم يا بابا
نفسى اوى فى الاحتواء ده نفسى ابقى حاسه امان بأنسان كويس يراعى ربنا فيا
ويتعامل معايا مش على انى واحده عارفها وخلاص او وقت وهيضيعو لا يعاملنى على انى واحده من اهلو
عشان كل ما يفتكر انى حد من اهلو اكيد مش هيقدر يعملى حاجه وحشه
يارب حققلى اللى انا عوزاه
عشان بجد خلاص انا
تعبت

حياه جديده

2011-03-30T13:01:00.003+02:00

اصبحت لا افكر فيك
والان
ابدأ حياه جديده
بدونك

احاسيس

2011-03-13T04:50:00.004+02:00

هو في عيني ( يساوي ) كل رجال الارض
।
।
।
।
।
।
।
احتاجك حتى ( الموت)
।
।
।
।
।
।
।
।
لا احد ينقبض قلبه خوفا عليك (كما ينبض قلبى) فكن بخير /لاجلى
।
।
।
।
।
।
।
।
।
الحـــب ينام ولا يمـــوت
।
।
।
।
।
।
।
।
।
।
خلقت لعباده ( الله) ثم لك / ولاجلك
।
।
।
।
।
।
।
।
।
।
كنت ومازلت أّجمــّل اقــّدار
।
।
।
।
।
।
।
।
।
।
।
والان احسك تشعر بى
احبك ولكن.... مر الوقت لرجوعك
سأبقى وحــــدى
دون احـــد

شيئ داخلى

2011-03-11T11:37:00.002+02:00

البعد احيانا لايؤلم ولكن المؤلم ان يبتعد عنك شخص قلت لة يوما ان البعد هو الشيئ الوحيد الذي يكسرك

كل اللى بتمناه

2011-03-05T13:17:00.001+02:00

عامل المرأة كما تحب هى

-----------------------------

عندما تمشى مبتعدة عنك ❤إلحق بها❤َ
............
...عندما تنظر إلى شفاهك ❤ قبلها ❤َ

...

عندما تدفعك أو تضربك ❤ امسك بها ولا تتركها ❤َ

عندما تطيل لسانها عليك ❤ قبلها وقل لها انك تحبها ❤َ

عندما تكون صامته ❤ اسألها ما المشكلة❤َ

عندما تتجاهلك ❤ أعطها اهتمامك الكامل❤َ

عندما تريد الابتعاد عنك قليلاً ❤ لاتوافقها الرأي ❤َ

عندما تراها في أسوأ حالاتها ❤ قل لها أنها جميلة ❤َ

عندما تراها تبكي ❤ أحضنها ولا تقل شيئاً ❤َ

عندما تكون خائفة ❤ أحميها ❤َ

عندما تضع رأسها على كتفك ❤ أمل راسها قليلا وقبلها ❤َ

عندما تأخذ منك شيئاً عزيزا ❤ دعها تأخذه فلن يكون أعز منها ❤َ

عندما لاتجيب الهاتف لفترات طويلة ❤ أكد لها أن كل شئ على مايرام❤َ

عندما تشك بك ❤ انسحب قليلا لتعطيها وقتا للتفكير❤َ

عندما تقول أنك تعجبها ❤ فهي حقا تكن لك مشاعر اكبر مما قالت ❤َ

عندما تمسك يديك ❤ أمسك يديها وداعب أصابعها ❤َ

عندما تقول لك سرا ❤ أحتفظ به ولا تخبر به أحداً❤َ

عندما تنظر إلى عينيك ❤ لاتلتفت حتى تلتفت هي❤َ

عندما تفتقدك ❤ فهي تتألم من الداخل ❤َ

عندما تحطم قلبها ❤ الألم لن يزول بل سيستمر ❤َ

عندما تقول أن العلاقة انتهت ❤ فهي لازالت تريدك ❤َ

عندما ترسل لك هذه الرسالة ❤ فهي تريدك أن تقرأها ❤َ

أبق على خط التليفون معها ❤حتى لو لم تقل شيئا❤َ

عندما تغضب ❤احضنها بقوة ولا تتركها❤َ

أتصل بها في أول ساعة من يوم ميلادها ❤وقل لها أنك تحبها❤َ

عاملها كأنها ❤كل شئ مهم لك في الحياة❤َ

ابق معها طوال الليل ❤عندما تكون مريضة❤َ

شاهد معها فيلمها المفضل أو برنامجها المفضل ❤حتى لو كنت تعتقد انه غبي❤َ

عندما تحس بالملل أو متضايقة ❤اخرج معها واجعلها تتسلى❤َ

هذا هو الحب الحقيقي على الاقل فى نظر المراة

كن هذا الرجل تجد الحب الحقيقى

فرحه قلبى

2011-03-02T19:00:00.005+02:00

اولا كده عاوزه اقول انى مبسوووووووووووووووووووووووووووووطه اوى
بجد حاسه ان فى حاجه اتغيرت فى حياتى
حاسه ان الفرحه دخلت قلبى بجد
ومش قلبى انا لوحدى قلب ماما وقلب اختى وقلب تيته وقلب كل حد قريب مننا
فرحتى انهارده متتوصفش يمكن عشان انا بحب عيلى اوى وبحب دايما اشوفهم فرحانين
او يمكن عشان من بعد وفاه بابا مفيش حاجه فرحه امى بجد من قلبها
بس انهارده يوم غير اى يوم وفرحه غير اى فرحه
انهارده اختى اتقرت فتحتها على الانسان اللى هى حبته
فرحتى انهارده غير اى فرحه فى حياتى
فرحتى بأختى انها حاجه نفسها فيها اتحققت وفرحتى بخطيب اختى
الانسان اللى بجد حاسه انه اخويا من لحمى ودمى
وكل اللى بتمناه من ربنا ان ربنا يدوم الفرحه دى ويسعدهم يارب واشوفهم احلى عرايس فى الدنيا
ويفرح كل ام بأولادها يارب
واخيرا حلمى هيتحقق
واقول انا راحه عند اختى وانا جايه من عند اختى
وبعدها بشويه اقول يلهووووى ابن اختى قارفها وتاعبها
واقعد اضربوا بقى واكل منو الحلويات بقى
ياااااه على ده احساس ان شاء الله يتحقق يارب ويسعدهم يارب ويفرحهم

نسيانك صعب اكيد

2011-02-27T19:17:00.004+02:00

أقف خلف ستارى الذى أسدلته على حبك
أرقبك من ورائه
لا أجرؤ على اشاحته والاقتراب أكثر
فتحرقنى أقدارنا
ولا أجسر أن أجعل من هذا الستار
...جدارا يعزلنى تماما عنك .....

أعلم أنك لن تكون لى
وأننى لن أكون لك
لكننى
لا أملك السلطان على قلبى
حتى أمنعه من حبك
ولا أملك تلك القوة الخارقة
التى تسجن عقلى خلف جدارا
يمنعه من التفكير فيك

انما
ما تبقى لى من الارادة
يدفعنى أن أسيطر على
ما تبقى من نفسى
فيسمح لى بأن أترقبك
من خلف ستار ....فقط ستار

لعل سنوات العمر تنزل الغمام على الستار نفسه
فلا أتطلع الى ما خلفه
ولا حتى أتمكن من رؤيته
فلعل قلبى يستسلم يوما للقدر
فيرحمنى ويتعلم
كيف يطوى حبك بداخله

ولكن كل ما اتمناه فقط هو .....
اتمنى من الله ليس كثيرا بل هو صعبا
اريد بشريا / رومانسيا
يحبنى/ يحسنى/ يشعرنى
اريد ان يجثو على ركبته اليسرى ويفتح علبه مخمليه
ويفاجئنى بلوحه اعلانيه مضيئه كتب عليها لاجلى
احبك - احتاجك - تزوجى بى
وليس اكثر من ذلك
بل هو اصعب مما تتخيلون

حيالله حكايه منسيه

2011-02-26T00:52:00.003+02:00

اولا كده سلام عليكم
اخباركم ايه يارب يكون الكل بخير والناس كلها تكون على الاقل راضيه عن التغيير اللى بيحصل
وربنا مع اخواتنا المصريين واللبيين فى الجماهيريه ويعينهم على ما بلاهم ( القذافى )
المهم طبعا فى ناس ممكن تكون فاكره البوست بتاعى بتاع برج العقرب
وقولت انهم عندهم شيزوفرنيا وبرج معقد وانا بكرهه والكلام ده كلو
ومن سوء حظى النحس انى مبقعش غير فى برج العقرب وبصراحه كده
خطيبى الى فات ده كان من برج العقرب
ودلوقتى بيطلعو عليا من ناحيه الشيزوفرنيا فاهو عندو شيزوفونيات مش واحده بس
يعنى مثلا ايه عارفين اغنيه اروى بتاعه حاسس بيا؟
فيها كوبليه بيقول ايه بقى
بتعذبنى؟ طيب ما تقولى اننا مش ليك ولا انا ليك؟
انت عاوزنى ولا سايبنى اتعلق بيك وتاعبى راضيك .....!
الاغنيه دى يا جماعه انا بغنيها يوميا تحس انها بقيت عندى بدل صباح الخير اصحى من النوم اغنيها
ليه بقى
عشان اسم الله عليه خطيبى اللى اتحول فجأه ده اللى قريتو عنه البوست اللى فات
التحول اصبح عنده شيئ عادى
يكلمنى ونبقى كويسين وتبقى الحياه فل الفل ونهزر ونضحك ونرخم على بعض
وفى نهايه المكالمه ( متفتكريش ان فى حاجه اتغيرت احنا لسه زى ما احنا )
يعنى من الاخر احنا سايبين بعض زى ما احنا بس تقريبا بيحاول يرفع من روحى المعناويه
ويوم ما اكلموا الاقى ويتنج زياده عن نص ساعه وده على غير العاده
وابعتلوا مسج اقولو انسحب من حياتى
يقولى انسحب ليه انتى مش هتعرفى تنسينى وبعدين انا عاوز افضل معلقك بيا
ويصحى تانى يوم ولا اكن قال حاجه يتكلم بطريقه زى الزفت سورى يعنى
لا حول ولا قوه الا بالله
والله بقيت احس ان جاله زهايمر
ونبى لو حد دكتور او بيفهم فى الامراض النفسيه دى يقولى
الا ممكن الواد يكون جالو مرض معدى ولا حاجه وانا مش ناقصه
والمشرحه مش ناقصه قتله
وكان الله بالسر عليم
استودعكم الله
واشوفكم على خير لو لسه ليا عمر(هى الواحده بعد ما تكون على علاقه بـ شريف هيكون فيها الروح) ربنا يستر

صدمه & احتفال

2011-02-14T03:59:00.003+02:00

طبعا ناس كتير هتستغرب لعنوان البوست
بس ان جيتو للحق انا كمان مستغرباله اوى او يمكن عشان لحد دلوقتى مش فهماه
طبعا الفتره اللى فاتت دى مرينا بأحداث كتيره غريبه ومؤسفه
بس الحمد لله ما داقت الا ما فرجت
مش هكدب واقول انى مش مبسوطه بالتغير ده لا بالعكس مبسوطه
ويارب يكون كل شيئ كويس وكل حاجه تتصلح ويجى تعب شهدائنا بفايده ان شاء الله فى الجنه ونعيمها
نيجى بقى للبوست طبعا انا عارفه ان فى ناس عاوزه تعرف ايه هى الصدمه
وايه هو الاحتفال
الصدمه
نيجى مبدائيا للصدمه طبعا ناس كتير كانت متابعه المدونه وعرفت انى المفروض كنت هتخطب اخر شهر 1
بس للاسف ويمكن اكبر صدمه فى حياتى هو
اختفاء هذا الشخص ( الخطيب )
مش اختفى على انه شبح يعنى لا
بس حصلتلته تغيرات فسيلوجيه وكربهويتريهيه ( ايه الكلام العجيب اللى انا مش فهماه ده )
المهم ماعلينا اتغير 6800 درجه من الملاك الى اللهم احفظنا شيطان
بقيت حاسه انى بتعامل مع حد معرفوش حد محبتوش حد معشتش معاه ايام سعاده زى ما كنت موهومه
واللى هيسألنى يقولى ايه السبب
هقوله ولا اعررررررف ( حاسه انى بطيخه ولا فاهمه حاجه )
ليه وازاى وعشان ايه ( والله مش اعرف )
ونقفل بقى الموضوع عشان مش عاوزه اتكلم اكتر من كده

نيجى بقى لموضوع
الاحتفال
طبعا من زمان اوى يجى من 3 سنين كده محتفلتش بالفلانتين
ليه بقى
طبعا اللى هيقولى ايه معندكوش محلات هدايا ولا محدش كان بيعبرك
وهتتريقو بقى
هقولكو اه محدش كان بيعبرنى مش عشان انا يعنى واقعه كده
لا بس عشان انا مكنتش بحس بالفلانتين غير مع شخص واحد وهو ( اسلام )
ده كان اول حب فى حياتى وبرغم انى ارتبط بعده
بس محستش بطعم عيد الحب الا معاه سبحان الله ومش عارفه ليه مع انى حبيت بعده
ولما جيت السنه دى وقولت هيبقى فيه اختلاف جزرى فى حياتى وهحتفل بالفلانتين مع انسان بحبو
وكمان هتخطبلو والنحس هيتفك ( واغيظ المعنسين ) ادينى اعده جنبهم اللهم لا شماته
وكمان عشان وحشنى اوى احساس انى اجيب هدايا لحد او يتجبلى ورد ولا دبدوب احمر والكلام ده
وطبعا الحلو ميكملش الا ............
1 : مصر كلها رفضت الفلانتين وقامت ثوره والناس كلها استكتروا عليا الفلانتين السنه دى
2 : الاخ المنتظر تغير وليس ادرى ما تغير به ( حلوه ما تغير به دى )
3 : ودى الاهم ان مولد النبى جاى مع الفلانتين فا طبعا قررت ومصر كلها قررت ان محدش يحتفل بالفلانطين ده
وكلنا نقضى اليوم ده سوا مع اهلينا فى البيت ومع حلاوه المولد
واكيد حلاوه المولد احلى من اى فلانطين او دبدوب او بوكيه ورد والكلام الفاضى ده
ومش هقولكم هابى فلانطين اقصد فلانتين
لا هقولكم كل سنه وانتم طيبين ومولد نبى سعيد علينا كلنا عليه افضل الصلاه والسلام

رد الجميل

2011-02-12T19:30:00.005+02:00

ليـــك بعد الرحيـــل .. تعظيــم سلام ليـــك يا زعيـــم .. من قلــب كل مصــرى اصيــل .. بنقــولك متزعلــشى .. تفووت ايام قد ما تفوت .. و لو حتى بعد المووت .. فى بالنا دايما و مش هتموت .. هندعيلك ماتقلقشى .. ( مسامحك ) ( مسامحك ) ( مسامحك ) انا و اللى زيى .. اللى فاهمين معنى ان .. يودعك رئيس بلدى ياغالى يا رمز لينا يا كبير .. ما انت مش ملاك و لا معصوم .. و لو الدنيا عليك بتقوم .. وقفك اكيد مفهوم .. و نشوف وشك بكل خير

جمـــعه رد الجــــميل .. 18-2-2011 .. لم و لن ننســـاك سيدى الرئـــيس .. اطال الله فى عمرك يا مبارك الحرب و الســلام

هفضل بحبك مهما يحصل

2011-02-02T15:50:00.003+02:00

رجل لم يكن له مثيل على مر العصور
معنديش اى كلام اقوله غير متسبناش يا مبارك
البلد هتولع
احنا بس كنا عاوزين شويه تغيرات واهوه بيحصل
بس انك انت تمشى
لا لا ومش هسمح لاى حد عاوزك تمشى
مش هسمح ان بلدى تنهار
مش هتسمح اننا نبقى مثل للعراق وفلسطين ولبنان
مس هسمح ان الخير يروح منها
بحبك يا مبارك

يا دبله الخطوبه (عقبالكو كلكو ) وانا سبقتكوووو

2011-01-13T19:55:00.003+02:00

طيب اقولكم بقى ازيكم ازيكم
انا جايه ارخم عندكم
عاملين ايه وايه الاخبار يارب يكون كل شيئ على ما يرام ( ما يرام ايه كبير اوى الكلام ده)
المهم اشطه يارب الكل يكون كويس ولوز الجوز
ندخل بقى فى الموضوع
طبعا زى ما قولت قبل كده انى لو متخطبتش قبل السن ال 21 هيحصلى حاجه

وممكن الموضوع يكبر واضرب عن الجواز
بس الحمد لله شكلها هتحلو وربنا سهلها واخيــــــرا وبعد طــــــول انتظــــار
انـــــــــــــــــــــــا (اعوذ بالله من كلمه انا)
هتخطـــــــــــــــــــــــــــــــــــــــب
والنحس هيتفك والحمد لله
وباقى من الزمن 15 يومـــــــــا
وهبقى زى البنوتات الحلوين المخطوبين ومش المعنسين ( مش تزعلو منى بقى )
وهبقى مرتبطه بــ شريـــف رسمــــــــــــــــــــــى
ورسمــــــــــى دى كانت تهمه قبل ما تهمنى وكل اللى هقوله دلوقتى
ان ربنا يخليه ليا ومش يحرمنى منه ابدا
لانى مفتكرش انى لو كنت اعد عمرى كلو عشان الاقى واحد زيه مكنتش هلاقى
(قل اعوذ برب الفلق)
ونبى حد يناولنى خرزه زرقاا
سورى وكته بقى انتو عارفين العين فلقت الحجر
وعقبال عندكم يا حبــــــــــايـــــب ( انا مالى قلبت على تيته الحجه كده ليه !!)
لا بجد عقبال كل البناااااانيت يجيلهم نصيبهم ان شاء الله
i'm SoOoOoOoOoOoOo HaPpYyYyYyYyYyY
SHeRiF & NaiRa
For Ever

مات احمد ومات مينا

2011-01-06T06:19:00.005+02:00

احمد ابن فاطمة..
ومينا ابن جاكلين..
صحاب من سنين وسنين..
جيران ودايما مع بعض..
واكلين شاربين..
ساعات زعلانين..
بس أكتر فرحانين!
بيذاكروا سوا...
ويروحوا المدرسة سوا..
ويامه إتخانقوا..
بس بسرعة..
يرجعوا يلعبوا مع بعض
تاني مشتاقين..!
فاطمة وجاكلين برضو صحاب...
دي صحبية عمر مش من أيام..
جاكلين أول من رشت الملح فالجامع..
يوم كتب كتاب فاطمة...
وفاطمة أول زغروطة فالكنيسة..
وقت إكليل جاكلين..!
وطول رمضان..
صواني طالعة نازلة
مع إن مينا وجاكلين..
ماكنوش زيهم صايمين..!
جيران وصحاب..
يارب إحفظهم..
بقوا أغلى من الأهل..
طبعا مهم عشرة سنين...!
بتمر الأيام بسرعة..
كبر أحمد ومينا..
كبروا بقوا رجالة...
وقلب جاكلين وفاطمة..
فرحان سعيد.. بنفس الحالة!
قالوا النهاردة الجمعة..
هنودع 2010..!
وزي ما أتعودوا..زي ما أتربوا
يستقبلوا السنة الجديدة ..
وهم لله بيصلوا..!
أحمد يصلي في المسجد
ومينا يحضر القداس..
وبعدها يرجعوا ع البيت
وسوا يحتفلوا..!
وفي البيت جاكلين وفاطمة..
في إنتظار الغالين
وبفرحة وضحكة صافية..
مستنين الـ11 تزين الألفين..!
الكنيسة قصاد المسجد..
والاتنين جنب البيت..
دخل أحمد ومينا.. الكل لدينه حافظ
وهي دقيقة واحـدة..
وسمعوا إنفجار جامد..!
صرخت جاكلين...
باسم الرب..باسم الصليب..!!
وفاطمة ترد..
سلام قول..من رب رحيم..!!
فين الولاد...؟؟؟
فين ضي العين؟!!
مات أحمد..
مات مينا..
مات فـ المسجد..
مات فـ القداس..!
إصل الإنفجار.. مالوش دين
مافرقش بين الناس؟!!
مات مينا..
وقلب جاكلين إتحسر..
وبموت أحمد..
قلب فاطمة إنكسر..!
في شرع مين..
تموت الشباب؟؟!!
في ملة مين..
نتحرم من الأحباب؟!!
لا شرع ولا ملة..
ولا حتى عرف..
يقول إن خلاص البشر..
بقى من فطرتهم العنف..!!!
دم ولادهم سال..
وأملهم فيهم مات..!
والناس تقول..
مسلم قتل مسيحي
لا مسيحي قتل مسلم...
ونسيوا اننا جوا مصر..
كلنـا أقبـاط..!!.
كلنا مسلمين
من أقوال أشرف الخلق سيدنا محمد
صلى الله عليه وسلم:

(من آذى ذِمِّياً فأنا خصمه..
ومن كنت خصمه خصمته يوم القيامة)..
صدق رسول الله..
عليه الصلاة والسلام

منقــــــــــــــــــــــول

هنفضل واحد (حسبى الله ونعم الوكيل)

2011-01-03T06:58:00.003+02:00

ليه كده ليه بيعملوا كده
هما فاكرين بتفجير كنيسه ولا جامع ولا موت مسيحى او مسلم كده خلاص المسيحين اوالمسلمين خلصوا من البلد
او كده خلاص اتفرقنا عن بعض وهنبقى حرب مسلمين على اقباط
لا لا لا والف لا مش انتو اللى هتعملوا فينا كده احنا مصريين
لو مش عارفين يعنى ايه مصريين نقول مصريين يعنى اه يعنى قلب واحد
خوف واحد
دم واحد
عيشه واحده
واكل وشرب واحد
يعنى ولا الف ارهابى حقير يقدر يفرق اخوات عن بعض
احنا دمنا بيجرى فى عروق بعض احنا روح واحده كنيسه وجامع
شيخ وقديس واحد
انجيل وقران واحد
ولينا رب اسموا الكريم بردو رب واحد
!
!
!

مشهد واحد : شاب مسلم ذهب الى صديقه المسيحى الى الكنيسه ليحتفل معه . وعندما انفجرت القنبله مات الشاب المسلم وعاش صديقه المسيحى

مشهد اتنين : شابه مسلمه ذهبت للتبرع بالدم وواللى محتاج الدم شاب مسيحى . وصدفه كان احد افراد عائله الشاب يقف بجواره......ا . ولم يعرف ديانتها الا عندما كتبت اسمها . وابتسم

ده مش من ايام سعد زغلول ولا جمال عبد الناصر . ده حصل النهارده
الارهاب مش بيفرق ولا بيختار مين بيموت . الارهاب اعمى
احنا مش العراق حتدخل ما بينا . ولا احنا السودان حتقسمنا . ولا احنا لبنان حتفرق ما
بينا حرب اهليه .عدا علينا منك كتير . وكلهم راحو . وانت حتروح

(فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَ )
(وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ
صدق الله العظيم
عرفتو يعنى ايه مصريين؟
ولا نقول كمان ّّ!!!!
مسلمين & اقباط
كيـــــــــان واحد

اجمل احساس

2010-12-11T20:24:00.002+02:00

ياااااااااه مش قادره اوصف انا اد ايه فرحانه الفتره دى
حاسه بحاجات كتيره بتتغير فى حياتى حاسه انى بتغير وبحاول ابقى احسن
عارفين لما يدخلو ناس فى حياتكو بسرعه وبدون اى مؤشرات وتحسو انهم عايشين بس عشان يخلونا سعداء وفرحانين
ده احساسى دلوقتى
حاسه بأمان وراحه واستقرار
حاسه بعطاء واخلاص وحنان مشوفتوش فى حياتى قبل كده
عارفين الاغنيه بتاعه ورده اسمها فى يوم وليله؟
الاغنيه دى فيها كوبليه عاجبنى اوى وبقالى فتره كده كل يوم اسمعوا
بيقول ايه بقى ( ولما صحيت على حبك وشوفت الدنيا من عندك اتمنى لو كل العشاق يحبو زى انا ما بحبك )
ده احســــــــــــــــــــاسى
بتمنى كل الناس يحسو زى ما انا حاسه
حاسه بتغير فى كل حاجه فى حياتى عشان بس شريف فى حياتى
وبدعى من ربنا يدوم نعمه الراحه دى عليا ياااااارب
ويجعلنى انا وهو من نصيب بعض
وعن قريب اوى خلال ال 3 شهور الجايين هتسمعو خبر حلو عنى
(وامنتيتى هتحقق واتخطب خلال السنه 21 من عمرى )
بس قولو يــــــــــــــــــــــــــــــارب
والاغنيه دى منى ليا ولشريف ولكل اصحابى واحلى مدونين فى حياااتى
كل اتنين ع الحب حبايب قربهم ومتبعدهمش
كل جيران واصحاب وقرايب جمعهم متفرقهمش
واللى فى قلبو عذاب او جرح طيبهولو
واللى مدقش الهنا والفرح دوقهولو
يــــــــــــــــــــــــــــــــــــــارب
بحبــــــــــــــــــ شريف ــــــــــــــــــك

راجعين

2010-12-07T04:14:00.003+02:00

Back SoOoOoOoOoOoOoN
SoOoOoOoOoOoON
SoOoOoOoOoN
SoOoOoOoN
SoOOoOoN
SoOoON
SoOoN
SooN
انتظرو البوست القادم

مخنوقه وهكتب كده

2010-09-28T03:57:00.003+03:00

حاسه بحزن مالينى واشتياق مخاوينى
يمكن بعيد عنى لكنو دايما قريب منى
بخاف افضفض واقول عشان كلامى مايطول
بخاف يحس بشوقى ويفتكر انو دوا جروحى

اغيب اغيب
اغيب اغيب واسأل عليه عايش ازاى وبيعمل ايه؟
بيقولو مش قادر ينسى عايش بيتعذب لسه
اغيب واقول ده زمانو نسينى ماهو لو ينسى هينسينى طول ماهو فاكر هفضل فاكر
ايوه امال انا بسأل ليه؟

حبك وجع
حبك وجع بعدو معى حبك حلم غربان
من قلب لقلبى انسرق وبكيت غيابو مطرح ما كنا نحترق صار الجمر بردان
والعطر عندو وفا اكتر من اصحابوو
وحدى بدونك ما قدرت ما اصعب الحرمان ترك ندم عندى عيونك وغابوا
مجروح قلبى وصرخ عم يندرك محروق طعم الهنا بغياب احبابو
انت لمين انت ألى قلبك ألك منو ألى انت ملك قلبى هواك يالى بحلاك عمرى حلى

رجوعـــك
ايامى فى بعدى عنك مشتاقه لكل كلمه
كان قلبى سمعها منك او نظره او حتى بسمه
رجوعك ليا املى وحلم بعيش عليه
لو يخلص كل عمرى فى بعادك يسوى ايه تعالى يا حبيبى
قرب مستنى ايه؟

فين ليـــــاليــك
فين لياليك عمال بناديك مشتاق لعنيك واحشنى لؤاك
بالى مشغول بهواك ع طول والليل بيطول وانا مش وياك
كل يوم يفوت كل يوم يعدى بصحى فيه وبموت يجى مليون مره لوحدى
لو سامعلــــــــــى صوت قرب خد بيدى يالى دايما ناسيـــــــــنى

ارجـــــــــــــــــــــع بئـــــــــــــــــــــــــــــا

قلبت بجد

2010-09-23T09:29:00.001+03:00

اهى قلبت بجد شكلنا بئا كدا بنحب بعض ونبى تب عمرك شوفت حد هيموت من كتر اللهفه عليك؟
اوعى تقولى لاء حلفتك تتكلم بحق انا قلبى مبيبطلش دق اول ما عنيا بتيجى فى عنيك
مممممممم
مش عارفه ابتدى منين او اقول ايه بس هقول حاجات محسوسه جوايا
حاجه قدامى حلوه اوى بس خايفه اقربلها
لانى دايما كنت بشوف حاجات حلوه كتير ولما اقربلها تطلع اوحش مما ان اتخيل
بس ياترى كل حاجه حلوه من بره بتبقى حلوه من جوه بصراحه انا مش عارفه !!
ومستغربه نفسى ازاى ابئا ملهوفه اوى كده عليه يمكن معرفوش كويس بس بيوحشنى اوى
مش ببئا عاوزه اعمل حاجه غير انى اكلموا ببئا مبسوطه وانا بسمع صوته
كل ده كويس وحلو بس اخرته ايه
مش عاوزه اتعب ولا اتوجع
عاوزه اقرب بس خايفه اتوجع ومينفعش ابعد لان ده بئا شيئ اساسى فى حياتى
انا مش فاهمه حاجه ومش عارفه حاجه كل اللى انا عرفاه انى عاوزه افضل مقربه كده مش عاوزه ابعد
وربنا يقدم اللى فيه الخير
واكيد ربنا مش بيبعت حاجه وحشه بس المهم انى اقدر اخد بالى عشان متخمش فى الحاجه الحلوه لو طلعت وحشه

ومر 20 عاما !!!!

2010-08-28T11:30:00.004+02:00

للاسف وبكل اسف نيــــــــره تمـــت 20 سنـــــه من النجاحات والتقدم العلـــمى
(نجاحات وتقدم علمى ايه انا شكلى هيست)
بلا (خيبه)
ادينا اعدين زى ما احنا ولا حققنا حاجه ولا نيلنا حاجه
بس هما 20 مرو ازاى معرفش مع انى فاكره انى امبارح كنت لسه بروح المدرسه وانا لابسه الشنطه
(شنطه ايه انا كدابه على فكره انا كنت حيالله بمسك كشكول واحد اومشى اتمنظر بيه)
بس تفتكرو السنه اللى فاتت دى حققت فيها ايه؟؟؟؟؟؟؟
طبعا اللى هيقولى حب هقوله (بلا وكسه)
طبعا اللى هيقولى شغل (هقوله بلا وكستين)
محققتش غير انى بحب ربنا وبحب امى
وبحب الاهلى وربنا ممشيها ببركه روح صالح سليم عارفينو بتاع روى ده بتاع الشموع السوداء ودمتم
طبعا كان نفسى اعمل حاجه بس املى فى ربنا كبير
انى السنه دى اكون محققه حاجه بدل ما انا عامله زى(خبيتها كده)
او انى الاقى الواد ابو حصان ابيض اللى ان شاء الله هيخدنى ونجرى
بس ونبى يا اخ يالى معرفكش انت بلاش تجيلى بالحصان فى الصيف تعالى فى الشتا عشان الحر بس يخويا
وبعدين انت لازم تيجى وانجز بئا فى ليلتك دى
عشان لو انا وصلت لسن 21 سنه هيجيلى انهيار عصبى وهبقى عامله زى مسلسل عاوزه اتجوز
انا بئا مش عاوزه اتجوز لا ده انا لازم وحتمنا ولابد انى اتجوز وقبل سن 21 ان شاء الله دبله حتى
بس ونبى مش دبله صالونات
عاوزه دبله حب انا طبعا سامعه واحده هناك بتقولها حب ايه الهبله دى هو فيه حب ده حتى شاحح من السوق
اجى انا اقولها لا يا لوزه الحب موجود بس النفس اللى تاخد (وسعت منى دى)
اقصد يعنى الحب موجود بس مسيرنا نلاقيه
يلا معطلكمش بئا سبونى اركز ازاى هحقق حاجه خلال السنه ال 20 لعمرى
اهنى نفسى واهنيكم انى تميت ال 20 سنه وانا لسه معاكم
بس ان شاء الله ان شاء الله هتم ال 21 وانا فى بيت الاخ المنتظر
اختكم المفعوصه (نيره)

اهوه جه يولاد (نخلينا فى حضنه بئا)

2010-08-11T01:22:00.003+02:00

كــــــــــــل سنــه وامــه محــــمد عليــه افضــل الصــلاه و الســلامــ بخيــر
ويعـــود عليـــــنـــا الشــهـــر الكريــم بخــــــيـــــر

الناجح يرفع ايدو (انسان عادى)

2010-08-05T04:03:00.004+03:00

والناجح يرفع ايدو هيييييييييه ويغنى فى عيدنا وعيدو هييييييه
ونقول ونقول دايما ناجحين على طول دايما
واقوووووووول الف الف الف الف ملياااااار مبروك يا عبده ( انسان عادى )
بجد مبسوطه اوى انك اتخرجت وفرحانه بجد اوى انك اخيرا حققت املك عقبال الجيش يارب
وزعلانه ان كليه الهندسه عندنا هتضلم عشان انت مشيت يا بودى
وعقبال كل اللى لسه نتيجتهم مش ظهرت تظهر بالنجاح يااااااااارب
وبودى من الاخر كده كل الاحتفال ده عشان مش تنسى البيبسى والجاتوه
بس انا متفقه معاك بغض النظر عن البيبسى والجاتوه اللى هيتجابو هيتجابو
عاوزه الشيكولاته والزبادو بالخوووووووووخ
وياريت الجاتوه من لابوارررر عشان نبقى على نور وياريت يكون جاتوه شيكولاته او ملفيه عشان مش بحب الفانليا
مستنيه كل ده قدام كليه الهندسه وهاجى اخدهم علشان اشطه
والف الف مبروووووووووك يا بوده ويارب النجاح دايما فى حياتك

ورجعنا تانى

2010-08-04T03:22:00.004+03:00

ورجعنا تانى شوقى ليك خلانى انسى اى بعاد ما بنا وكل يوم عدى يلهوى
لا انا شكلى بسرح كتير وبحب ادندن اوى معجبه بصوتى انا
احم احم
المهم بئا بئا
انا جيـــــــــــــــــــت تبعا تبعا نورت البيـــــــــــــت
وحشتووووووووووونى جدا جدا وميرسى لكل اللى عملولى كومنتس فى غيابى
وحشنى اصحابى ووحشتنى مدونتى بيتى الصغيور
ويارب يكون الكل فى احسن حال
وكل البنوتات كويسين وكل الشبابات كويسين بردو
ومش هغيب تانى بس هقلل من الدخول شويه فى رمضان
ساعه لقلبك بئا وساعه لربك بس فى رمضان لازم على الاقل 12 ساعه لربك وساعتين لقلبك حلو اوى
وكل سنه وانتم طيبييييييين
وعاوزه الفوانيس تنزل مطره عليا
فى فانوس نزل جديد على شكل عروسه عاجبنى اوى بس ب 90 جنيه بينى وبينكو بقول لماما
لقيتها راحت مزعقه فى وشى وقالتلى 90 جنيه ليه انتى اتسخطى (حبيبتى يا مامتى مش بتستغلى عليا حاجه)
قالتلى لو جبتلك الفانوس ده مفيش كروت شحن هتتجاب للموبيل تبعا غصب عنى زى البطيخه قولت مش مهم الفانوس
اصحابى حبايبى (شويه تثبيت زى الفل) مش هيستغلوه عليا
وعلشان الناس اللى مش فى القاهره او بعيده عنى
ممكن تبعتوه مع اى سواق فى الموقف وانا خده عادى جدا
وهنيالك يا فاعل الخير(حبه شحاته)
وكل رمضان عليكم وعلى اهل بيتكم بالخير

شمس وبحر ونسمه شقيه

2010-06-16T12:22:00.002+03:00

شمس وبحر ونسمه شقيه بتوشوشنى بأسم حبيبى تيرارا
شمس غروب بدوب فى الميه وانا فى هواك دايبه يا حبيبى

احم لا انا معلش كنت بدندن شويه اصلى اندمجت مع الصوره
احب اقولكم بقى انى هحرمكم من رخامتى شويتين كده علشان اخيرا هروح معشوقتى الوحيده وهى الاسكندرررررررررريه
واخيرا هاكل فرسكا واخيرا واخيرا هاكل سمك طازه واخيرا واخيرا هروح عند حبيبى وروح قلبى وانيس وحدتى قدام البحر بير مسعووووود
يسلاااااام لو الواحد يفضل عايش كده قدام البحر الله الله بقى
يلا ما علينا......
اشوفكم على خير بقى وهتوحشوووووونى كتييير اوى وكل بنوته تخلى بالها من نفسها وكل ولد يراعى ربنا فى البنت اللى بيرد على بوست ليها او بيكلمها
يلا خلو بالكم من نفسكم

اجــــــــــــــــــــــــــــــــــــازهــــــ

العقرب

2010-06-15T09:37:00.003+03:00

اولا كده سلامو عليكو

يارب الكل يكون بخير
وياريت اى حد من مواليد برج العقرب للرجااال ... ميزعلش منى يا جماعه اختلاف الرأى لا يفسد للود قضيه
بصو بئا انا صدمتى فى برج العقرب ده حاجه كده بقت عملالى قلق فى دماغى ناس كتير اوى
بقابلهم بيكونو من مواليد برج العقرب وتقريبا صفاتهم واحده
وبيتفقوا كمان على 3 حاجات موجوده فى كل مواليد برج العقرب
التلت حاجات دول هما الغدر - الا مبالاه او البرود - الانفصام فى الشخصيه

نتكلم بقى عن واحده واحده اولا كده
الغدر : هما غدارين لابعد مدى وانا بقولت فوق يا جماعه محدش يزعل منى بس هما فعلا غدارين اوى
مش بيقوا على حد بيبيعوا عن اقرب فرصه وتلاقى الانسان اللى بيتكلم مش حاسس بنفسوا ودايما شايف انه صح وانه عبقرى زمانه
ومبيغلطتش ودايما صح

نيجى لتانى حاجه وهى ......
الا مبالاه او البرود : الحاجتين دول بقى يا جماعه من اهم العيوب انهم كمان عنده قمه فى البرود والاستفزاز
ودايما حاسين ان دى روجوله او جدعنه انهم يبقوا باردين وميتعصبوش علشان ده مش من الاحترام امال فين بقى الرجوله والنخوه اللى بتبقى فيهم دى؟ نفسى افهم ده بنقرا عنها بس ولا فعلا الرجوله والنخوه دى ماتت فى حرب 73 مش فاهمه يعنى بيفكرو ازاى

نيجى لاخر حاجه واهم حاجه ...
الانفصام فى الشخصيه : اوقات تحسوا انهم بشخصيتين مره حد طيب وحساس وحنين ومره حد عصبى ومتهور وبارد يعنى مثلا يبقى مرتبط بواحده وعامل معاه مشكله تقريبا سايبين بعض ويكلمها يقول انتى وحشتينى تفرح هى بقى انو رجعلها يقولها لا انت وحشتينى بس انا كنت عاوز اقولك كده لكن احنا زى ما احنا مفيش اختلاف
يلهووووووووووى على البرود حاجه بجد مستفزه ولا يقولها انا بحبك اوى ومقدرش اعيش من غيرك وانتى كل حياتى
بس للاسف مينفعش نكمل ده انت بنادم ررررررررررررخم اوى
ولا مثلا يبقى نازل جايبلها هدوم وبديهات قصيره مثلا ويجى يقولها بعديها لا مش تلبسيهم هو انا همشى معاكى وانتى بالمنظر ده
بزمتو مش ناس مستفزه بتوع العقرب دول؟؟؟؟؟؟؟
والكلام ده والله حصل ومش هقولكم شخص واحده اللى شوفتوب الطريقه دى لا ده كتير كده من مواليد برج العقرب
عموما نصيحه لاى ام حاولى تظبطى حملك على اى شهر غير من نص 10 لنص 11 بعد كده اولدى براحتك بقى
واى بنوته متحاوليش ترتبطى بواحد من مواليد هذه البرج المعلون
عشان انتى هتخسى وهيتحرق دمك وهتشيلى المراره وهتتجننى رسمى وهيجيلك الضغط والسكر وهو هيكون اعد فى بيتهم بياكل بيتزا وبيشرب عصير خوخ
فا اياكم وبرج العقـــــــــــــــــــــــرب

اختكم اللى اتفقع مرارتها وجالها الضغط
NaiRa

استغفر الله - تحول الى الدميه باربى

2010-05-22T22:30:00.005+03:00

ده الشكل بعد العمليات التجميل ليصبح الدميه باربى

ده الشكل قبل العمليات

انسان عادى خلقه الله من لحم ودم
مش فاهمه ازاى الانسان ده فكر فى كده وازاى جاله قلبه انه يغير من رجولته ويغير من شكله اللى ربنا خلقو ويتحول للمنظر ده
عشان خاطر عروسه مجرد جماد مبيتحركش مجرد حاجه شكلها حلو وبس لكن ولا لحم ولا دم ولا روح
بنأدم اسمو هشام زيه زى اى شاب عادى من كتر حبه للدميه باربى او العروسه الباربى اللى كلنا عرفينها ولعبنا بيها من زمان
قرر ان يعمل عمليات تجميل لحد ما يوصل لشكلها وحتى الفساتين بتاعتها اشترها نفسها بالظبط وكمان طريقه الشعر
وكل حاجه بقى نفس العروسه باربى الا انه ذكر كمان هو من الخارج فقط انثى او دميه باربى ولكن من الداخل فهو ذكر
ازاى الانسان ده يبقى كده وازاى كل اللى حواليه قبلوه وهو كده مخفش من ربنا وعقوبته ده احنا بس لما بنعمل حاجه فى شكلنا او تغير لون شعرنا بنقول حرام نغير حاجه ربنا خلقاها فينا ازاى ده عمل الحاجه دى انا بجد مش لاقيه اى تفسير
يعنى انا مثلا من اكتر المعجبين بتامر حسنى او كاظم الساهر او الدبدوب الىل اسمو booh على كده بقى اروح اغير انا كمان واعمل نفس الشكل او نفس الدبدوب لالالالا استغفر الله العظيم ربنا يعافينا يارب
لاحول ولا قوه الا بالله بجد ........ لا تعليق

احــبــكـــ

2010-05-18T05:45:00.002+03:00

أحبك يا انسان نقشت اسمه على موتي قبل ميلادي
أحبــك ... لطالما خشيت قولها ...
سجنتها في قلبي طويلا
... وحان الوقت لأطلق عنانها ...
فوق السماء وتحت الأرض .
.. حان الوقت لأكتبها على صفحات حياتي من جديد ...
أحبـــــك ..
. ابوح بها لكل البشر ... وقد حان الوقت لانقشها على العناقيد وعلى حبات المطر
... وحان الوقت لأرسم بها كياني وكيان الحب .
.. حان الوقت لأحلق بهـــــا في الفضاء بعــــــيدا عن أذى الناس .
.. وعن قسوة البشر ...
أحبــك ... يا بداية لا اعرف نهايتها ...
احبــك .
.. يا شمعة تضئ لي دربي ...
أحبـــــك ... يا صدفة ابدأ بها بحري
... أحبـك ... يا زهرة تزين لي قبري ...
أحبـــــك ... يا غصن أسند له ظهري ..
. أحبــك ... يا جيتاره أعزف عليها موتي ..
. أحبــــــك ... يا صوتا أزين به أقوالي ... أحبــــك .
احبــــك .. يا دمعة أزين بها عيني...
احبك... أحبـك ... أحبـك ... يا طيرا يغنى فى اذانى
.... أحبك احبـك ...الى درجة الجنــون ...
أحبــك نعم احبـك وليس لحبى لك نهايه .........

احبـــــكـ

2010-05-18T05:34:00.004+03:00

أحبك يا انسان نقشت اسمه على موتي قبل ميلادي
أحبــك ... لطالما خشيت قولها ...
سجنتها في قلبي طويلا
...
وحان الوقت لأطلق عنانها ... فوق السماء وتحت الأرض .
.. حان الوقت لأكتبها على صفحات حياتي من جديد ... أحبـــــك ..
. ابوح بها لكل البشر ... وقد حان الوقت لانقشها على العناقيد وعلى حبات المطر
... وحان الوقت لأرسم بها كياني وكيان الحب .
.. حان الوقت لأحلق بهـــــا في الفضاء بعــــــيدا عن أذى الناس .
.. وعن قسوة البشر ... أحبــك ... يا بداية لا اعرف نهايتها
... احبــك .
.. يا شمعة تضئ لي دربي ...
أحبـــــك ... يا صدفة ابدأ بها بحري
... أحبـك ... يا زهرة تزين لي قبري ...
أحبـــــك ... يا غصن أسند له ظهري ..
. أحبــك ... يا جيتاره أعزف عليها موتي ..
. أحبــــــك ... يا صوتا أزين به أقوالي ... أحبــــك .
احبــــك .. يا دمعة أزين بها عيني...
احبك... أحبـك ...
أحبـك ... يا طيرا يغنى فى اذانى
....
أحبك احبـك ...الى درجة الجنــون ...
أحبــك نعم احبـك وليس لحبى لك نهايه ......................!

عدل ربنا

2010-05-17T03:08:00.002+03:00

أهـــــون عليــــــا نفتـــــــرق
مـــــن إن قلــبى يتحــــــرق
وأنا شايفه عمرى بيتسرق
قــــــــــدام عنيــــــــــــــــــــا
جرحتنى إنـــت بإيديــــك

ضيعتنى وأنــا بين إيديك
طيب قولى ليه أبقى عليك
وتزيد الأسيه فـــــ قلبـــــى
تـــــــزيد الأسيــــــــــــــــه

حاولت أبقى عليك زمان
قلبك خـدع وغـدر وخـان
واللى ما بنا دا بس كــان
دلوقتى لأه مــلوش وجود

وكل حبى فـــــ قلبــى ليك
أصبح دعـــا بدعيه عليـك
تصبح فــ يوم جرحك ماليك
تنده عليـــا بأعلى صــــوت
تنده عليا خلاص بمـــــوت

وأهـــو يبقى عـــدل ربنـــا
من جرح قلبى فــــ حبنــا
دلوقتى يبقى إنـــت وأنــا
دوقنا المرار من جرحنا

أهون عليا نفترق ..... وأهو يبقى عدل ربنا

نسيت انساك

2010-05-14T21:10:00.003+03:00

اوقات كتير بفتكرو او ممكن اقول انى مش بنساه اصلا
كتير بقعد افتكر هزاره معايا ولعبه معايا واقول ياترى لو كان موجود دلوقتى
كنت هبقى زى ما انا كده ولا كنت هبقى احسن ولا اوحش
اكيد كنت هبقى احسن انا يمكن الحمد لله مش معترضه على حاجه بعملها دلوقتى بس
كنت بردو هبقى افضل من كده نفسى اروحلو او هو يجينى وعشان مستحيل انه يرجع
فا بجد بتمنى انى اروحلو وحشنى اوى اوى اوى بجد يمكن انا كنت قريبه ليه اوى وكنت اقرب من والدتى واختى كمان ليه
عشان انا الصغيره او يمكن بحكم انى كنت شقيه شويه بس نفسى بجد اشوفو قدامى واقولك وحشتنى اوى
كتير بفضل ابص لصورته وافتكر حاجات كتير اوى يمكن مكنتش بفتكرها وهو عايش
حيبت فعلا بكلمه مبنحسش بقيمه اللى معانا الا لما تروح مننا كنت كتير بدايقه وبزعلو مكنتش بهتم
ودلوقتى فعلا بندم على كل لحظه زعلتو فيها وبدعى من قلبى بجد
انه يسامحنى (سامحنى يا حب عمرى )

إحساس لا يوصف '::..
أن تقف فوق قبر إنسان تحبه كثيرآ و قد كان يعنى لك الكثير ثم تحدثه , وتحاوره , تصف له طعم الحياة فى غيابه ولون الأيام بعد رحيله وتزيد فى البكاء كطفل رضيع بكاء مرير من أعماق أعماقك حين تتذكر أنه ما عاد هنا ياقلبى
لا تقل وداعآ بل قل إلى اللقاء فنحن سنلتقى مجددآ إن لم يكن على الأرض ففى السماء

بحبك يا اغلى بابا فى الدنيا يا اغلى عندى من اى حد فى الكون

2010 تامر حسني - انا جنبك

2010-04-16T01:49:00.000+02:00

ملاكى وجانى

2010-04-10T00:58:00.004+02:00

افتح عينى ألاقيه قصادى
وأسمع صوته عليا ينـــــادى
وأحس الحب ف قلبى عشانه
وإنى أعشقه ده شىء مش عادى

رايح وجاي معايا ف بالى
ساكن ف قلبى ملاك ف خيالى
ماهو ف عنيه أنا ناويه أشيله
وأبقى فى روحه قمره العــــالى

ما انا هوصف بس أنا مش ناويه
أظلمه ف وصفى وكلامى
ده ملاك م الجنة أنا جانى
سكن أفراحى وأحــلامى

أبص يمين وشمال ألاقيه
طب أنا إيه ممكن أهديه
عمرى بحاله وكل حياتى
بس ده برضه شوية عليه

غلطه القلب

2010-04-04T17:30:00.002+02:00

مش لما كان ,, يفرح زمان

انا كنت بفرح

دلوقتى خان و الحب هـان

هاتعلم اجرح

أدى اللى كان يحلف زمان .. انا اغلى حاجة عنده

هايعيش جبان و يموت جبان .. ندمان على خيانته

و اهى غلطة الحب انه جانى ,, و غلطتـك انك انـانى

و ياريتنى ما عرفتك يا حبى

و اهى غلطة القلب انه سامح ,, قلب قاسى قلب جارح

و اهى غلطة القلب انه حب

أدى اللى كان يحلف زمان .. انا اغلى حاجة عنده

هايعيش جبان و يموت جبان .. ندمان على خيانته

اغنيه لكل شاب فيس بوكى

2010-04-02T22:43:00.007+02:00

قرب اجمل شباب جوه الفيس بوك

كل اللى عايزو هنا موجود

حركات شباب كدب مظبوط ووشوش محمره

اللعب على ودنه رسم الشباب بقى لعب عيال

نعمل دماغ ونلف بروفيلات وال ايه بنتسلى

على ايه بلوك دليت بلا قرفه

هيجى هديلو بالسرمه ولا يجيبلى فى يوم حورات

وشويه يدخل يقولى نايس فوتو تعالى امال اقولك هنا

حدوته

يعملى ادد وينعم صوته ويقولى نتأنتم

ويسيبنى ويروح لغيرى فى نفس الميل تثبيت تمام وحوار

مرسوم

حافظ الكلام عايش فى الدور بيخم فى الضلمه

على ايه بلوك دليت بلا قرفه هيجى هديلو بالسرمه ولا

يجبلى فى يوم حورات

عاشقى الوحيد ( نزار قبانى )

2010-03-30T00:20:00.002+02:00

حُبُّكِ طيرٌ أخضرُ ..

طَيْرٌ غريبٌ أخضرُ ..
يكبرُ يا حبيبي كما الطيورُ تكبْرُ
ينقُرُ من أصابعي و من جفوني ينقُرُ
كيف أتى ؟
متى أتى الطيرُ الجميلُ الأخضرُ ؟
لم أفكرْ بالأمر يا حبيبي
إنَّ الذي يُحبُّ لا يُفَكِّرُ ...
حُبُّك طفلٌ أشقرُ
يَكْسِرُ في طريقه ما يكسرُ ..
يزورني .. حين السماءُ تُمْطِرُ
يلعبُ في مشاعري و أصبرُ ..
حُبُّكِ طفلٌ مُتْعِبٌ
ينام كلُّ الناس يا حبيبي و يَسْهَرُ
طفلٌ .. على دموعه لا أقدرُ ..
*
حُبُّك ينمو وحدهُ كما الحقولُ تُزْهِرُ
كما على أبوابنا .. ينمو الشقيقُ الأحمرُ
كما على السفوح ينمو اللوزُ و الصنوبرُ
كما بقلب الخوخِ يجري السُكَّرُ ..
حُبُّك .. كالهواء يا حبيبي .. يُحيطُ بي
من حيث لا أدري به ، أو أشعُرُ
جزيرةٌ حُبُّك لا يطالها التخيُّلُ حلمٌ من الأحلامِ لا يُحْكَىو لا يُفَسَّرُ ..
*
حُبُّك ما يكونُ يا حبيبي ؟
أزَهْرَةٌ ؟ أم خنجرُ ؟
أم شمعةٌ تضيءُ ..
أم عاصفةٌ تدمِّرُ ؟
أم أنه مشيئةُ الله التي لا تُقْهَرُ
*
كلُّ الذي أعرفُ عن مشاعري
أنكِ يا حبيبي ، حبيبي .. و أنَّ من يًُحِبُّ .. لا يُفَكِّرُ

تعليق

مش قادره اوصفلكم اد ايه بجد انا بعشق نزار قبانى
بحس ان قصايده بتاخدنى لدنيا تانيه
ولانى كمان بحب كاظم اوى فا دى يمكن من اكتر الحاجات اللى خلتنى اهتم
بنزار قبانى وقصه حياته وانى كمان اجيب له كتب عن حياته
الخاصه اقراها
فعلا
مات نزار
وانهارت جميع اقلام الاشعار
وقريب اوى هنزل قصه حياه نزار قبانى
اقصد الاسطوره اللتى لم يعد لها مثل
نزار قبانى

اندهاش

2010-03-26T03:18:00.003+02:00

طبعا اكتر الناس اللى كانت متابعه مدونتى كانت عارفه انى مرتبطه وبحب انسان اسمو عبدو
وكتير اوى شافو ردوده او انى كتبت حاجات كتير عنه
بس للاسف الانسان ده اختفى من حياتى مش بمعنى اختفى انه شبح يعنى
لا بس للاسف بعد واختار طريق غير طريقه كنت كتير بقول ان لو الانسان ده بعد عنى حياتى هتدمر
بس انا اينعم تعبت شويه بس عايشه اهوه
بس اينعم حاسه بفراغ كبير فى حياتى لانى انا اصحابى القريبين منى معدودين وهو كان لى حاجه كبيره
بس ياترى انا هفضل حاسه احساس الوحده ده كتير
ولا يمكن عشان لسه متأثره بالموضوع
يا عالم بكره مخبى ايه وربنا مخبيلى ايه يمكن فى حاجه احسن مستنيانى
اتمنى ده يارب

NaiRa

miss u 4 all

2010-03-24T04:51:00.002+02:00

سلام عليكم ورحمه الله
بجد وحشتونى كتير انا غبت حوالى 8 شهور بجد وحشتونى جدا
ورجعت تانى لانى اشتقت اوى للمدونه بتاعتى ولانى افضفض بقالى كتير مش فضفضت خالص
واتمنى انى اعرف ناس جديده لانى بجد مفتقده ده

حاله غريبه

2009-05-21T14:19:00.003+03:00

سلام عليكم

بصراحه انا بقالى كده كام يوم مخنوقه جدا وكل اللى بعمله انى بفضل اعيط

لان انا بطبيعتى العياط بيفك خنقتى بس المشكله انى بفضل كتير اوى اعيط

والخنقه مش بتروح فقولت اقوم اصلى وادعى ربنا ان يفك الخنقه دى

ويقرب الحاجات البعيده عنى قومت صليت ودعيت ربنا كتير اوى والله

وبعدها دخلت نمت قولت يمكن احلم او الاقى الحاجات دى بتقرب

زى ما انا ما عايزه بس ده محصلش اللى حصل ان الخنقه ذادت

ومش عارفه انا ايه اللى بيحصلى ده فكرت انى اخرج

بس لقتنى بردو مش عارفه اروح فين ولا اخرج مع مين

المشكله انى عاوزه انعزل عن الناس لفتره

حاسه انى عاوزه اعد لوحدى فى مكان ولا حد يعرفنى فيه

ولا اعرف فيه حد بس مينفعش اسيب حالى واهلى والناس اللى بتحبنى

واعد لوحدى بجد نفسى الحياه تتغير بدل ما هى كلها شبه بعضها كده

وخنقه وملل وزهق ياترى ممكن الواحده تغير حياتها ازاى وبأيه؟

انا بجد تعبت وزهقت من كل حاجه !!!!!!!

تصميمات لحبيبى وبس P:

2009-05-13T21:10:00.008+03:00

والله احتاجك انا خليك بقلبى قريب وان حصل شيئ بينا عن حياتى لا تغيب
انا من بعدك اتوه وعالمى بعدك يضيق تختلط عندى الوجوه والعدو يبقى حبيب

(احبك جدا وجدا)

لا يتسع لها زمان ولا مكان
ولا يستوعبها عقل
ولا يحتويهـــــــا فراغ

الدخول الى قلبى >>>>> (BoDy ) الى حبيب عمرى

2009-05-11T08:04:00.004+03:00

الدخــول الــى قلبــي
=================

الدخول الى قلبي
مستحيل
فكيف لرجل لا يعرف
المستحيل
من سمح له بان يتسلل
الى قلبي ويدخل فيه ؟؟
من سمح له بان يعبر
الى داخل اعماقي ؟؟
داخل اسراري ؟؟
الى مكان داخلي
لم يصله احد بعد ؟؟
فكيف سأتخلص
مما انا فيه؟؟
كيف وصل الى ذلك
الحد عندي ؟؟
كيف اسمع صوته
يتردد في اذني
حين انام ؟؟
كيف ارى دوما صورته
امامي وانا مغمضة العينيين ؟؟
من سمح له
بان يسبح في افكاري ؟؟
يعزف على اوتاري ؟؟
كل الرجال يظنون بان داخل قلبي
قطع جليد متراكمه
بيوت ومدن متهالكه
فلم عرفني هو واثبت عكس ذلك؟؟
كيف انتصر علي وهزمني؟؟
من سمح له بذلك؟؟
كيف رسم على جدران قلبي ؟؟
عزف على آذان عقلي ؟؟
ولمَ اتسائل وهي مملكتي ؟؟
انا اسمح وانا لا اسمح
انا من جعله يدخل ويمرح
اعترف باني
اشتاق اليه ..
واتوق اليه ..
وباني متيمة به ..
اعترف باني
لا استطيع
الاستغناء عنه
او العيش من دونه
اعترف بانه رجل احلامي
وباني انتظرته
واود لو اراه الان
لاشكره على وجوده في حياتي.

يوم مبشر للغايه

2009-05-03T22:40:00.002+03:00

احكيلكم بقى على اللى حصلنا انهارده انا وندى بنت الحج دراكولا  ( الى حصل لا ينكتب ولا يتقرا يلهوتى )

امبارح اعده فى امان الله فى بتنا لقيت الجرس بيرن بطريقه فظيعه

ومين بقى اللى بيرن الجرس ده وبيعمل الازعاج ده طبعا مفيش غير حبيبته قلبى ( وانا جزه على سنانى ومش عاوزه افتح )

بس طبعا لانها وحشانى فا اكيد هفتح وقومت افتح الباب وطبعا كالعاده ( اخدت ندى فى حضنى لانها وحشانى حوالى ساعه الا ربع )

اولا ما دخلت قالتلى جبتلك شغل حلو 
بقولها بجد فين وايه نظامه
فا دخلت سلمت على مامتى واختى ودخلنا نعد فى اوضتى نتكلم ( قصدى ننم على امه لا اله الا الله )

ودخلنا اوضتى ( الجحر بتاعنا علشان ننم براحتنا )

قالتلى السواق بتاع مامتها بيشتغل فى شركه الصبح الشركه دى

عاوزه سكرتيرات تسويق ينفع تشتغلى قولتلها اشطه نروح نشوفها

كلمت الراجل وبتاع وظبتنا اننا نروح نعمل انتر فيو انهارده

المهم خدنا العنوان فى المكان الفلانى وننزل محطه مترو كذا وانا هستناكو قولتله اوكى قالتنا هستناكو الساعه 12

ندى سمعت كلمه 12 وحسيت انها عايزه تقولى  ( يا بنت الترابتيييييييييييييييت 12 مين ده انا بنام 12 )

روحت طبعا لحقتها قبل ما تقول اى حاجه ندى حبيبتى وصاحبه عمرى

هتروح معايا بكره لان دى الصداقه انك توقفى جنب صحبتك

ندى وبين عنيها نظره ( بتبصلى بقرف طبعا )

المهم اعدنا مع بعض براحتنا وبعدين النور قطع فى سرى طبعا ( حبيبتى يا نودى يا وشك )

وطبعا هى خلعت وقالتلى انا هطلع فوق بقى ( تروح بيتهم طبعا واراهن انها طلعت علشان النور لا هى طلعت تاكل كالعاده )

مشيت ندى وانا اعدت شويه طبعا لانى مش ينفع انام من غير ما اكلم حبيبى ( عبده )

المهم  اعدت احب فى التليفون للساعه 4 ونص وسهرت قدام التى فى للساعه 5 ونص

ودخلت نمت على اساس انى هروح الانتر فيو الساعه 12 او 1

وانا فى عز نومى الساعه 6.30 لقيت الموبيل بيرن رنه ميييييييييين؟ ( رنه حبيبتى ندى ) 

لقيت ان ندى بتقولى انا لسه صاحيه ولو نمت تانى مش هصحى خلى الميعاد الساعه 9

حرام عليكى يا ندى 9 ايه طيب خليها 10 انا لسه نايمه من ساعه

خلاص اوكى هصحيكى اوكى سلام وسلام

الساعه 9 الا 10 ندى يلا يا نيره قومى بقى وانا هقوم اخد دوش والبس وانزل تكونى ظبطى وخلصتى

حاضر يا ندى ( وانا اصلا عاوزه اعضها )

المهم لبست وظبط حياتى وخرجت استنى ندى قدام البيت طبعا لسه مش نزلت

دخلت الحوش عندهم وكالعاده يا ندددددددددددددددددددددددى

ردت ندى حاضر يا بت خلاص نازله ( بصوت خارق للطبيعه طبعا لانها فعلا بنت عم مصطفى قصدددددى بنت الحج دراكولا )

نزلت ندى وروحنا ركبنا المترو وطبعا فى بهدله المترو التذكره بتاعتى وقعت منى

وطالعين من المحطه بقى  ( هيييييييييه وصلنا )

ادور على التذكره منين فين مش لاقيهاها

ندى عدت من المكنه وراحت تقطعلى تذكره

لقيت ظابط بيسالنى فى ايه ( وانت مال الماما والبابا بتوعك يا عم خليك فى حالك )

فى ايه يا انسه  لا ابدا مفيش حاجه بس التذكره بتاعتى وقعت وهى راحه تجبلى تذكره تانيه

لا استنى وفتح المكنه علشان يفتح البتاعه دى وانا اعدى ( تصدق شكلك راجل كويس )

انتو منين ؟ احنا من شبرا

اه طيب معاكى بطاقه

اه طبعا معايا  طيب ممكن اشوفها  هههههه حاضر ( متقلقش مش مسجله ) 

اه طيب انا دلوقتى المفروض اعملك محضر .... نعم محضر ليه ان شاء الله  ( يا ابن التييييييييييت )

لان لازم تدفعى غرامه .... غرامه ليه هو انا نطيت من فوق المكنه

انا كنت هقطع تذكره تانيه بفلوسى ( ابتسامه عريضه مع رفعه حاجب بسيطه)

مينفعش لانها مش مختومه ( طيب والعمل يا حلو اخواتك )

انا هاخد صوره من بطاقتك لحد ما تجيبى الغرامه ( يخويا ولا تاخد البطاقه كلها )

نزلنا علشان نروح الشركه

وبصراحه هو كل يوم مبشر للغايه

( بس الحمد لله اشتغلنا )

صعب انك تحب حد مش حاسس بيك

2009-04-30T14:58:00.007+03:00

كنت زمان قريت قصه هحكيهلكم

بس يارب تعجبكم

كان فى مره شاب عاجز معندوش اى شيئ فى الدنيا غير الكرسى المتحرك اللى عليه

والقصص والكتب والرويات اللى فى مكتبته علشان يبعها

مكنش عنده اهل كان اهله متوفيين كان عايش لوحده وكان عايش فى قريه هاديه جدا ومكنش فيها محلات كتير

كان بجوار المكتبه بتاعته صيدليه كان دايما بيروح الصيدليه كل يوم لان كان علاجه حقنه كل يوم

وكان لازم ياخدها فى الصيدليه

وفى يوم راح الصيدليه علشان ياخد الحقنه بتاعته شاف بنت موجوده فى الصيدليه طلب منها انها هى اللى تديله الحقنه

لان كانت رجله ابتدت تألمه ولازم ياخد الحقنه

مر اليوم وكل يوم بقت البنت تديلو الحقنه فى ميعادها

ومره واحده جت البنت فى يوم وحست بشعور غريب حست انها بتحبه

وبتخاف عليه وعاوزه دايما تطمن عليه

وفى اليوما للى بعده راح الشاب للصيدليه وكان معاه روايه رومانسيه كان بيقراها

البنت شاف الروايه فى ايديه وسالته عنها قالها انه بيحب الروايه دى ودايما الروايه دى بتوحشه وبيقراها

وفى اليوم اللى بعده الشاب مقدرش يروح الصيدليه ياخد الحقنه والمكتبته بتاعته كانت مقفوله

مر اليوم والبنت استغربت انه ممرش عليها زى كل يوم

فى اليوم التالى لاحظت البنت بأختفاء الشاب

فا سألت عن منزله وذهبت لمنزله خبطت على الباب فتح لها خادم هذا الشاب

قالت له اين هو قال لها انه مريض

دخلت عليه واعطت له الحقنه وسالته عن الروايه فقال لها انها لا تفارقنى

فكتبت له ورقه وحفظتها داخل الروايه

مرت الايام وعاد الشاب الى مكتبته بعد ان شفا

وسأل عن البنت لانه مرت ايام ولا يراها وعندما سأل عن البنت قال له دكتور الصيدليه انها لم تأتى الى الصيدليه لها عده ايام

فا سأل عن منزلها وذهب اليها ليطمئن عليها

فتحت له والدتها وسألها عن البنت قالت له لو ليوم واحد فكرت ان تفتح الروايه لعرفت اين هى

ذهب الشاب الى المكتبه وفتح الروايه ورأى الورقه مكتوب بها

( احبك واعلم اننى احبتتك اكثر من نفسى )

مرت الايام وعرف الشاب من الدكتور الذى بالصيدليه تركت له مصل من جسدها هو الذى يشفيه ويجعل له القدره على المشى

لانه من نفس فصيله دمها

وهو كان ليس لديه المال لشراء نفس فصيله دمها

فتبرعت له هى بدمها كاملا له حتى يشفى من مرضه

ندم الشاب على عدم احساسه بالفتاه اللذى احبته اكثر من نفسها

هو ده اللى حلمت بيه

2009-04-28T23:42:00.003+03:00

هحكيلكم قصه ....
قصه بنتوته بس كانت مجنونه
كان يا ما كان فى سالف العصر والاوان ما يحلى الكلام الا بذكر النبى عليه افضل الصلاه والسلام
كان فى بنت عايشه حياتها بالطول والعرض
مكنش فى حاجه فى حياتها ابدا تهمها الا انها تكون مبسوطه وخلاص
مرت بعلاقات كتير فاشله بس هى كنت ندمانه على كل ده بس مكنتش لاقيه الانسان
اللى تصلح عشانه كل حياتها دى
مر الوقت وهى على نفس الحال عايشه حياتها زى ما هى
وجت فى يوم كان فى انسان بتكرهه جدا لانه كان دايما بينصحها وبيخاف عليها وطبعا هى عجباها حياتها الغلط

فا اى حد كان بينصحها كانت بتحس انه هو اللى غلط وهى الصح وكانت بتكرهه
الانسان ده جه فى يوم وقالها انه بيحبها فى الاول مصدقتش كان جواها احساس انه هيخيب ظنها زى اى تجربه فاشله كانت فيها
مرت ايام واسابيع وجه وقت حست ان الانسان ده اكتر انسان بيخاف عليها
وفى نفس الوقت كانت خايفه شويه منه ..... ليه بقى؟
لانه كان انسان عاقل جدا وراجل جدا وكل حياته جد فى جد
ازاى انسان زى ده يرتبط او يحب انسانه مستهتره
مع الوقت عرفت ان الانسان ده دخلت قلبه وحبها ونسى اى حاجه هى كانت فيها
مع ان كان كل تجربه فاشله كانت تحس ان ده حب الدنيا والاخره
بس لما فعلا حبت الانسان ده وصارحها بكل حاجه فيها حتى عيوبها فعلا لقت ان ده اكتر انسان هى حبته فى الدنيا ومحبتش حد غيره
بمعنى انه ان الانسان ده ليها بقى خـــــــلاص ( حب العمر) 
وفات فتره على ارتباطهم ومرت الوقت وبقى خلاص هى كل دنيته وهو كل دنيتها
واتغيرت عشانه وبقت انسانه جديده عاوزه تحافظ على الانسان ده وتديله كل حاجه فى حياتها
الانسانه دى هى ( انا )
والانسان ده هو حبيبى وروحى واخويا وصديقى وابويا وكل اللى ليا فى الدنيا الانسان ده ( عبده )
بحبك يا بودى مهما حصل ومهما كان وربنا ما يفرقنا يا اغلى حب فى عمرى كله

مخنوقه - عاوزه اكتب كده

2009-04-22T05:15:00.004+02:00

فى خيط ضعيف رابط ما بنا وده النصيب هتخاف عليه هخاف عليه هتسيب هسيب
لحد امتى هخاف لوحدى يا حبيبى الخيط خلاص مبــــــــــقاش متحمل
رعشه ايدى !!!
لو انت مش عايز نهايه ولسه هماك الحكايه!!
صبر قلبى بلمسه احس انت انت قريـــــــــــــب
انت الشمس بس خلاص قربت تغيـــب ):
حاجات كتير سبناها ضاعو خلاص بقو زكريات وسنينا اللى تعبناها
مفضلش منهم غير لحظات
لحظات بتهدد حكاياتنا يا نحـــــن يا نعلن نهاياتنا باديك الخيظ يقوى فى لحظه والجرح يطيـــــــب
او تضعف واضعف وتسلم وتسيب وانا اسيب
فى خيط ضعيف رابط ما بنا وده النصيــــــب
هتخاف عليه هخاف عليه هتسيب هسيب
لحد امتى هخاف لوحدى يا حبيبى الخيط خلاص مبقاش متحمـــــل
رعشه ايدى!!

No Comment
^
^
^
^
^
^
^
الناس قالوا لى مالك
قولت لهم عادى ابداً
تعبنى شوية بعده لكن دلوقتى احسن
بخبى حنينى اليه وبدارى انى بحزن
بقول مش عايز اشوفه مع انه واحشنى جدا
جداًَ جداً جداً جداً
انا لازم اقوله انى
بتعب فى غيابه عنى
والكبر ياما ظلمنى
صعبه فى بعده الحياة
انا حتى لما بغنى
بيبان فى غنايا حزنى
ما هو قلبه حتة منى ازاى ما اقولش اه
بخبى حنينى اليه
وبدارى انى بحزن
بقول مش عايز اشوفه
مع انه واحشنى جدا
جداًَ جداً جداً جداً
^
^
^
^
^
^

جرحتك حبيبي جرحتك سامحني بعادك حبيبي في قلبي جارحني
قول لعنيك حبايبي دايما تفتكرني ياناسي روحي ياناسي عيني امنتك حبيبي بالخير افتكرني
ياناسي روحي ياناسي عيني امنتك حبيبي بالخير افتكرني
ده كفايه جرح المر وايامي اللي مش بتمر
وكفايه كفايه كفايه ان انت مش جمبي
قلبي بيبكي علي كل يوم فراق في بعدك حياتي مافيهاش غير اشتياق
سيبتك وانا مش عايز اسيبك وانا قلبي حزين
ذنبك ايه تستني حبيبك وتضيع في السنين ليه تأخدك أحزاني ماهي كده كده واخداني
ليه تندم ليه تتعب وحياتي لتنساني
ياناسي روحي ياناسي عيني امنتك حبيبي بالخير افتكرني
ياناسي روحي ياناسي عيني امنتك حبيبي بالخير افتكرني
ده كفايه جرح المر وايامي اللي مش بتمر
وكفايه كفايه كفايه ان انت مش جمبي
^
^
^
^
^
كان ناقصك ايه علشان تحس ولا هو كلام وبس
كنت اكتر من حبيبتك ولا انا فهمتك غلط
نص عمرك كان فى حضنى لو تموت ولا يوم تسبنى
هو دا كلامك ليا ولا انا فهمتك غلط
مجاش على بالى اقولهالك ولا اجرح فيك
جيت على نفسى من الاول مكنتش ليك
يادوب انا بس بتكلم على اللى انا فيه انت ليه بالشكل دا
راضى عن نفسك كدا
لو خلاص مرتاح ضميرك مش مهم انى اتظلم
قلبى عمرى ماهمو جرح فيها ايه مفهمش صح
دا انت على راى اللى قال اللى يخاف منك سلم
^
^
^
^
^
^
^

هسال واسيبك لضميرك
مبجيش انا علي تفكرك
واناطول غيابك ياحبيبي مش عارفه اتنفس من غيرك

كل سنين الشوق والهوااا بقي هتروح فين بعدينا
ولا مكان الحب ياهوي كده ليه سبناه ومشينا
ليالي وانت فايتلى عيوني بالدمع ده غرقانه
ليه ماشي وسايب قلبي وعينى ليه سهاري وحزانى
هسال وسيبك لضميرك مبجيش انا علي تفكرك
وانا طول غيابك ياحبيبي مش عارفه اتنفس من غيرك

هات قلب غيرك يداوني
وانا اعيش ولاتبكيش عيني
ياتقول مكانك وانا اجيلك ياحبيبي يترجع وتجيلي

كل سنين الشوق والهوي بقي هتروح فين بعدينا
ولا مكان الحب ياهوي كده ليه سبناه ومشينا
ليالي وانت فايتلى عيوني بالدمع ده غرقانه
ليه ماشي وسايب قلبي وعينى ليه سهاري وحزانى
هسال وسيبك لضميرك مبجيش انا علي تفكرك
وانا طول غيابك ياحبيبي مش عارفه اتنفس من غيرك

سرقاه من مدونه انتيختى p:

2009-04-22T05:03:00.000+02:00

إسم مدونتك؟
World of Love

لماذا اخترته ..وماهي نيتك من وراء اختياره؟
اخترته لانى بحب الحب مفيش نيه معينه بس كنت عايشه حاله وعبرت عنها

هل فكرت في إغلاق مدونتك؟ والسبب؟
بصراحه انهارده السبب انى قررت انى مجيش ناحيه الجهاز تانى اصلا

صورتك في المدونة ورمزيتها ؟؟
حزينه لانى بحب الصوره الى بتعبر عن الوحده

لماذا دخلت عالم التدوين من الاساس؟
عادى كنت حابه انى اجرب ومحاجه احكى فيها لما ملاقيش حد جنبى يسمعنى وادينى احتجتها اهوه

التعليقات بالنسبه لك ,اهميتها؟
مش بتهمنى اوى

احلى بوست كتبته ...ضع اللينك , ثم اذكر لماذا؟
الفـــــــــــراق
لانى مفتكرش انى فى اصعب من انك تفارق ناس بتحبهم

أفضل بوست قرأته؟ وضع لينكه؟
مفيش حاجه معينه
أفضل مدونة قرأتها؟
مفيش حاجه معينه

حد قل أدبه فى التعليق إيه رد فعلك؟
عمرى ما ادى لحد فرصه لده

أسوأ مدونة؟ أسوأ بوست أسوأ مدون...............؟
مفيش حاجه معينه
هيحصل ايه لإيميلك لما تموت ؟؟
هيمووووووت
اديت الباسوورد لحد قبل كده؟
بصراحه اه
كانت إيه طبيعة علاقتك بيه؟
حبيبى
المشهور بيه وسط اصحابك؟
نونا – نيرو- بوكى لانى كنت بحب اقلد صوت النمله بوكى وانا فى المدرسه
شخصيتك نوعها إيه؟
بيقولو انى طيبه وحنينه
مع انى بكرهه طيبتى دى لانها متنفعش مع الحيوانات اللى بيتسمو باسم بنأدمين
السفر بالنسبة لك؟
تغيير
حبيت قبل كدا؟
اكيد
كام مره؟
مره واحده بجد لكن كنت قبل المره دى كنت لعب ومراهقه
لسه معه؟
الله اعلم
كان شخصيته ايه؟
طيب وحنين وعصبى جدا صعب التفاهم معاه

بتحبه اد ايه؟
محبتش فى حياتى اده
كان شبه مين؟؟
محدش معين
طب لو سابك وحب يرجعلك هترجع؟
هرجعله لانى لسه بحبه ومش قادره انى اعيش من غيره
وقت فراغك بتعمل فيه إيه؟ المود بتاعك؟
بنام او بتفرج على التى فى
الاكلة المفضلة؟
الملوخيه والارز وورق العنب واى اكل تيك اواى

الصفات اللي أخدتها من بابا؟
حنيته وطيبته وشويه من ملامحه

الصفات التي أخدتها من ماما ؟
مش عارفه بس تقريبا مفيش

اكتر ست حاجات بكرهها؟
الظلم – الخيانه – الخبث – الكرهه – الانانيه- الكبرياء
اكتر ست حاجات بحبها؟
ابويا الله يرحمو
امى
اختى
ندى صحبتى
اللى كان حبيبى

جدتى
الشغل بالنسبة لك؟
كيان- حاجه بتنسينى همومى

الانترنت بالنسبه لك؟
ولا حـــــــاجه مجرد فراغ

نفسك تقتل حد؟وليه؟
لا بصراحه مش نفسى – ليه لانى صعب انى اعملها لانى مبكرهش حد

هواياتي؟

تأليف الشعر

واحيانا الغنى

بس الاتنين بطلتهم من فتره كبيره اوى

اشهر عيوبي؟
احيانا عنيده
الطيبه
انى ممكن اكدب علشان ادارى غلط اعمله ممكن يزعل منى حد غالى عليا
حاجات بكرها جدا؟

حد اكون مهتمه بيه ونفسى اعمل كل حاجه عشانه وهو ميقدرش ده
حاجات بحبها قوي ومش بمل من تكرارها؟؟
العياط

سؤال بيستفزني؟

لو كنت مخنوقه ووفى نفس اللحظه ايه اللى خانقك؟ زى ما بيقولو حد بيضرب على الحديد وهو سخن

امنيتي في الحياة؟
امووووووووووت

حاجات مؤمن بيها جدا؟؟
ان اى حاجه فى الدنيا هتشوفها هتبقى هى دى نصيبك

اكتر حاجة فاشل فيها؟

انى معرفش اخدع زى ما بتخدع

وظيفة بحبه؟
هى مش وظيفه هى حاجه انا اشتغلتها بالفعل وحبتها اوى هى التلى سيلز

مثلي الاعلي في الحياة؟؟
مليش حد معين

طوللك؟

والله مش اعرف

وزنك؟؟
والله مش اعرف بس هو يعنى اللهم لا حسد كتير :D

شبه مين من
الممثلين؟
لا بصراحه مش اعرف بس احيانا فى ناس بتقولى مها احمد

امرره لمين ؟

مش حد معين اللى عاجبه ياخده

الفراق اصعب ما فى الحياه

2009-04-07T00:14:00.003+02:00

وقدرت تبعد كل ده وتغيب عليا واهون عليك تعمل كده يا حبيبى فيا
وانت اللى عارف اد ايه انا محتجاك وانى بموت لو عدى يوم من غير لؤاك 
لو حبيبى يا حبيبى ليه تسيب الدموع فى عنيى لو نسينى قول نسينى وروح
ليه تقول كلام وليه تنساه واعيش معاك فى حيره واه 
وليه تفوت فى قلبى جـــــــــــــــروح
مين يا حبيبى علمك القسوه ديه؟؟؟؟؟؟؟ انا كنت قبل ما اكلمك بتحس بيا
وانت اللى عارف اد ايه انا روحـــــــــــــى فيك وعمرى كلــــــــه هعيشه
ليــــــــــــــــــــــــــــــــــــك
لو حبيبى يا حبيبى ليه تسيب الدموع فى عيـــنى
ليه تقول كلام وليه تنســـــــــــاه؟

الفـــــــــــــراق
ليه الكلمه دى موجوده فى حياتنا
علشان دى سنه الحياه اننا نفارق؟
طيب ليه الوعود بتختفى عند الكلمه دى
ليـــــــــه بننسى وعدنا فى لحظه 
ليه القلوب اللى بتحب بجد يبقى مصيرها كلمه الفرااااااق
( افعل يا ابن ادم كما شئت فكما تدين تـــــــدان)
كسر القلوب حرام يوم ما تكسر قلب انسان
اعرف ان قلبك هيتكسر فى يوم من الايام

تاج جامد جدا

2009-04-05T22:39:00.003+02:00

التاج ده بقى عجبتنى اسألته اوى اوى
كنت بلفلف فى بلوجات وشوفته قولت اجاوب عليه

انت مين؟
عبد من عباد ربنا

مين اكتر6 اشخاص بتحبهم؟
 1: بابا طبعا الله يرحمو بموت فيه
2: ندى انتيختى
3: اهل بيتى
4: حبيبى وخطيبى واحلى حاجه فى دنيتى
5: جيجي 
6: خلاتى وعماتى كلهم

انت سعيده؟
لحدا ما

لو اجتمعت انت وحسني مبارك في غرفه واحده؟
هشرب من دم الماما بتاعه هو

لو معاك مليون ونص جنيه تعمل بيهم ايه؟
اولا حاجه هعملها هشترى عربيه 
تانى حاجه هدفع اى فلوس علشان اقابل تامر حسنى وكاظم الساهر وبعد  كده اموت بقى حققت اللى نفسى فييييييييييه

بتحب مصر؟
وهى عملتلى ايه عشان احبها؟ لو الحكام اللى فيها يخرجو منها هتبقى زى الفل بس نعمل ايه قدرنا !!!!!؟

بتحب الشباب ؟
واحبهم ليه مبيجيش من وراهم غير وجع القلب

انت مسلم؟
الحمد لله وعلشان منخبطش فى الحلل موسى نبى وعيسى نبى وكل من له نبى يصلى عليه

ليه؟
اولا من يوم ما اتولدت طبعا كنت ابيض ولا اعرف مسلم من مسيحى من يهودى بس طلعت لقيت اهلى كده بس لما كبرت عرفت اد ايه ان الدين بتاعنا  غالى وعزيز علينا وحاربنا علشانه

مين اكتر شخصيه ماتقدرش تستغني عنها في حياتك؟وليه؟
والدتى وحبيبى وصحبتى واختى اللى هما بجد اهلى وكل حاجه فى حياتى

ايه اكتر موقف محرج اتعرضت ليه في حياتك؟ واتصرفت ازاي؟
صباحوووووو احراااااااااااااج :$:$:$:$
بصراحه هقول وامرى لله 
وقعت مره بالكرسى بتاع الكليه واتكسر وفضلت اعده فى الارض بتفرج وبتضحك على اصحابى وانا اصلا اللى كنت واقعه ههههههههههههههههه كان منظرى طبعا فانله  هههههههههههههه loool

ايه الامنيه اللي بتدعي ربنا دايما انه يحققها لك؟
ان ربنا يجمعنى مع الانسان اللى بحبه فى بيت واحد ويخليلى اهلى لانى مليش غيرهم

احب شخص لقلبك في الدنيا؟
حبيبى ومش بحبه بموووووووووت فييييييييييييييييييييييييييه

انسان مستعد تضحي بحياتك,ركز في كلمه حياتك,علشانه؟
مقدرش اقولك انسان واحد بس اقدر اقولك اى حد بيبحنى من قلبه بجد وبحبه انا اضحى علشانه بحياتى وعمرى وكل حلو فى دنيتى

انسان كرهته لدرجه الجنون وتمنيت لو تمسك سكينه وتنقض عليه وتغرزها في قلبه وتقتله وتقف تبص لجثته وتشفي غليل قلبك؟
خدو عندكو واللى يعرف يعد !!!!
كل الناس اللى كنت فكراهم بنأدمين وطلعو حيوانات

ماهو:اسم اجمل كتاب كتبه بشر قرأته ومحتفظ به حتي الان؟
فلاش وسماش وميكى D:

اهم جهاز منزلي انت متعلق بيه او بتستخدمه كتير؟
التى فى بس لو فيه افلام حلوه

مكان تحس بالراحه عندما تدخله؟
حجره والدى بحبها اوى وبحس فيها انى برتاح راحه نقسيه ومعنويه وجسديه

شئ تحس بالراحه النفسيه عندما تنظر اليه؟
صوره والدى وجدى

مكان تحس فيه بالحنين الي شئ لاتدري ماهو وذكريات جارفه الي لاشئ؟
حوش البيت بتاعنا ههههههههه والشارع وعم  سيد بتاع العجل :$ !!!

اجمل مدينه زرتها داخل مصر؟
اسكندريه بجد حلوه جدا وحبيتها اوى

اجمل مكان طبيعي رأيته في مصر؟
حديقه اسمها الجزيره على كوبرى قصر النيل بحبها اوى وبحس فيها براحه نفسيه

شخصيه كرتونيه بتحبها؟
BooH

نوع هاتفك المحمول؟
N82

سرعه البروسيسور جهازك؟
512

حجم ذاكره,هارد,جهازك؟
160

المساحه التي تشغلها المواد الاسلاميه علي جهازك؟
مش عارفه بالظبط بس من كتير بصراحه

نفس المساحه السالف ذكرها في قلبك الاجابه لنفسك علشان الرياء يااخواننا؟
بردو علشان مش اكدب حوالى 50%

اهم هدف انت واضعه لحياتك الآن؟
انى اتغير علشان نفسى قبل ما اتغير علشان اى حد

مواصفات فتي الاحلام بالنسبه لك؟
مش محتاجه اوصف لانى لقيته خلاص هو مش فتى احلامى وبس هو كل عمرى


*******

:صف الآتي
شعورك لما بتسمع كلمه مصر؟
مش مصر بالظبط بس لما بسمع الاغانى الوطنيه عنيا بدمع وبحس انى عاوزه اعيط

شعورك لما بتسمع كلام عن اليهود؟
بحس انى نفسى اموت شهيده بس لو هكسب شرف محاوله انى احاربهم

شعورك لما بتشوف ضابط شرطه؟
بحس انهم ظباط على نفسهم ولا واحد يعرف يمسنى

شعورك لما بتشوف كناس عجوز في الطريق؟
ببقى وربنا هاين عليا اروح واكنس مكانه ومش بس كناح اى شغلانه تانيه

افكارك تجاه شاب ماشي في الطريق يلبس جلابيه بيضاء وقصيره وعمامه وله لحيه وبجيبه السواك وبيده المصحف ؟
بقوله فى سرى ربنا يبارك فيك

احساس يراودك في اشاره المرور مغلقه بسبب مسئول كبير؟
ببقى نفسى اقوله فى وشه ما تنزل تمشى على رجلك ولا انت اتشليت
 وبعدين عامل حراسه ومفضى الطريق خايف لحد يغتالك يبقى احترم نفسك واحكم بضمير واعدل فى حقوق الناس عليك 
 ولو يخويا خايف تموت لو ربنا عاوزك تموت مش هيستنى انك تمشى فى الشارع وحد يغتالك 


تمرر التاج ده لمين؟
لندى انتيختى وحبيبى وحياتى بودى واحتمال لاختى دينا

على شاطئ البحر

2009-04-04T16:39:00.003+02:00

انهارده انا كتبت حاجه كده بصراحه مش انهارده يعنى

 انا كاتبها من فتره بس مكنتش كملتها بس
انهارده كملتها يارب تعجبكم بقى
<
 <
< 
< 
<
<
<
 <
على شاطىء البحر ارى صورتك امامي
احدث كل ليله نجوم سمائي
احدثها عن شجني وشوقي وغرامي
 لعلها تخفف عني حزني واهاتي
 فحياتي بدونك لاتسوي
 انا بدونك ضائعه
 انا بدونك ورده ذابله
 لعلك ترى دموعي الساقطه
  اجلس محدثه البحر  اشم رحيق الزهر
 لعلي القاك ولو طال الدهر
  افتقدتك ياحلم عمري
 افتقدتك ياحلمي الوردي
 افتقدتك يامطر يروي ظمأ قلبي
 لعلك تسمع همسات صوتي
 وكل نبضه من نبضات قلبي
وكل لمحه حزن من بصري
 وكل دمعه ساقطه من عيني
 يزداد بها المي وشوقي  انتظرك بشوقي
انتظرك بحرقتي
 انتظرك بدموعي
 على امل ضوء شموعي
 الى متى وانا انتظر
 وانتظر؟؟؟

اسرارى

2009-04-03T05:11:00.003+02:00

اولا انا عجبنى او التاج ده عند دندونه فقولت اجاوب انا عليه انا كمان
اشمعنى هيه امال :$

اقول خمس حاجات محدش يعرفها عنى؟
1: انى على اد ما انا اجتماعيه جدا بس كتومه فى وقت عصبيتى اوى يعنى ممكن حاجه معصبانى واعمل نفسى انى ولا مهتمه واضحك واهزر عادى
2: انسانه عنيده جدا وعلى اد كده بكرهه اللى يبقى عنيد قدامى
3: بحس كتير انى حزينه من جوايا ممكن اقل ممكن يصعب عليا نفسى واعيط
4: طيبتى موديانى فى داهيه بصدق كل الناس وبتخدع فى كل البشر حتى لو عارفه انهم كدابين
5: بكرهه اللى يشوفنى غير حقيقتى وبحس انى بكرهه من غير ما يعملى حاجه

اسم مدونتك؟
world of love

لماذا اخترته...وماهي نيتك من وراء اختياره؟
لانى عايشه قصه حب مع اغلى انسان فى حياتى وتقريبا هو كل الحب ليا

هل فكرت في اقفال مدونتك ... والسبب؟
بصراحة لا مش فكرت

صورتك في المدونه... رمزيتها؟
صوره حبيتها اوى حسيت انها حزينه لانى بحب الحزن شويه

لماذا دخلت عالم التدوين من الاساس؟
انا مكنتش اعرفها انا عرفتها من دندونه

احلي جمله قيلت لك في وصف مدونتك؟
ناس كتير قالولى انها شكلها جامد اخر حاجه

التعليقات بالنسبه لك اهميتها؟
بحب اشوف راى الناس فى افكارى بس مش بتهمنى اكتر ما بتهمنى انى اكون مقتنعه براى

احلي بوست كتبته ..ضع لينك..ثم اذكر لماذا؟
مفيش شيئ معين بس كلهم عبرو عن حالات كنت عايشها

افضل مدونه قرأتها؟
مدونه انا عايزه اتجوز

افضل بوست قراته؟
كان بوست عن بنت اتقدملها عريس كانت بتحبه ومامته عملت معاها شويه موافق بصراحه عجبنى جدا تصرفها

حد قل ادبه قبل كده في تعليق ..ايه رد فعلك؟
معتقدش ان حد ممكن يتجرأ ويعملها لانى مفتكرش انى هدى لحد الفرصه لانى كل بوست بكتبه محترم وبيجبر الناس انها تحترم مدونتى

اسوأ مدونه وبوست؟
مش عارفه بس تقريبا مشوفتش يعنى

اسئله خاصه

هيحصل ايه لايميلك لما تموتي؟
ولا حاجه مش هيتفتح تانى

اديتي الباسورد لحد قبل كده؟
طبعا

كانت ايه طبيبعه علاقتك بيه؟
حبيبى واختى

اسمك؟
نيره

المشهور بيه وسط اصحابك؟
نونا او نيرو او نينو

عمرك؟
18 سنه و 8 شهور

شهر برجك؟
9/6 وبرج العذراء

مجال درستي؟
الاكاديميه العربيه للهندسه

شخصيتك نوعها ايه؟
مجنونه متسرعه عنيده عصبيه احيانا طيبه

السفر بالنسبه لك؟
تغيير وفى نفس الوقت عدم استقرار

وقت فراغك بتعملي فيه ايه؟
يا بتفرج على التى فى او على النت بكلم حبيبى او بكلمه فىا لتليفون او بخرج

الاكله المفضله؟
الورق العنب و السمك والارز وطبعا اى حاجه من كوك دور وبيتزا هت سوبر سوبريم :$:$

الصفات اللي اخدتها من بابا؟
طيبته و شويه من ملامحه

الصفات اللي اخدتها من ماما؟
عصبيتى وعنيا

اكتر ست حاجات بتكرهها؟
1: بكرهه الضعف
2: بكرهه القسوه
3: بكرهه الانانيه
4: بكرهه الغرور والتكبر
5: بكرهه السلبيه
6: واخيرا بكرهه عمرو دياب جدااااااااااا

اكتر ست حاجات بتحبها؟
1: طبعا بحب بابا الله يرحمو
2: بحب حبيبى طبعا
3: بحب مامتى طبعا
4: بحب جدتى
5: بحب اختى
6: بحب الشيكولاته

الشغل بالنسبه لك؟
حاجه ببنى فيها نفسى وبتحمل مسؤليه وبقدر اعرف الدنيا اكتر ومجال بفرض فيه نفسى على المجتمع

الانترنت بالنسبه لك؟
هوايه وتضيع وقت

هل كنت طالب شاطر في المدرسه؟
اة الحمد الله كنت شاطرة
لحد اولى ثانوى بس بعد كده تقدرو تقولو ابلد واحده فى المدرسه ههههههه لول

ايه اكتر ماده حبيتها في المدرسه والكليه؟
فى المدرسه كنت اكتر حاجه بحبها الدرسات والعربى
وفى الكليه اكتر ماده بحبها والحمد لله كنت بشيلها ههههه ماديه اسمها دوائر تحكمات
بس فعلا كنت بحبها علشان صعبه ومنتش بفهم فيها حاجه

ايه اكتر ماده كرهتها في المدرسه والكليه؟
الرياضه بكرهااااااااااااااااااااااا عمى
وفى الكليه ماده اسمها فيجوال بيسك كانت ماده غبيه طحن

كنت عايزه تطلعي ايه وانت صغنن؟
كان نفسى جدا اطلع مدرسه واضرب العيال زى ما انا كنت بضرب وانا صغيره ههههههههه

SECTION 1 - Last 1s?1. last beverage?
قهوه

2.last phone call
نورا صحبتى

3.last instant message?
حبيبى

4.last cd played?
زيزى وعد عليا

last time you cried?
من شويه

6.last text message?
من حبيبى

Section 2 - Have You Evers1. dated someone twice؟
لا

been cheated on?
لا

kissed someone & regretted it?
لا

lost someone special?
اغلى انسان فى حياتى والدى

5. been depressed?
يعنى

6. been drunk and threw up?
لا

Section 3 - List 3 Favorite Colors
الاحمر
الازرق
الروز

Section 4 -This month have you Made a new friend?
نو

2. Fallen out of love?
نو

3. Laughed until you cried?
اها مع حبيبى

4.Met someone who changed your life?
اه حبيبى بودى

5. Found out who your true friends were?
هما مش كتير بصراحه وصعب اننا نلاقيهم بس اكيد بنكتشفهم مع الوقت

6. Is there something you want to tell someone?
اها عاوزه اعرف كل الناس انى محبتش ولا هحب فى الدنيا غير بودى حبيبى

7. Would you kiss anyone on your top friends?
اه بنات طبعا بس

8. How many people on your top friends do you know in real life?
2

9. How many kids do you want to have?
باذن ربى ولد وبنوته >>>> مروان و لوجيانا او مريم

10. Do you have any pets?
لا خالص

11. Do you wanna change your name?
لا بصراحه بحب اسمى جدا لانه مش منتشر وكمان حابه معناه

12. What did you do for your last birthday?
احتفلت بيه مع اصحابى فى كافيه

13. What time did you wake up today?
تقريبا من 12 لـ 1 ظهرا

14.What were you doing at midnight last night?
كنت بتكلم مع حبيبى

15. Name something you CANNOT wait for?
انى ربنا يجمعنى مع اللى بحبه فى ا قرب وقت

16. Last time you saw your father?
الله يرحمو من شهرين و 18 يوم و 11 ساعه ربنا يرحمك يا بابا يارب ويجعل مسواك الجنه ( بحبك اوى )

17. What is one thing you wish you could change about your life?
انى اكون مع حبيبى عمرى كله اكيد الدنيا كلها هتتغير من حواليا

18.What are you listening to right now?
اغنيه عمرو دياب مع انى بكرهه بس بحب اغانيه رصيف نمره 5

20. Have you ever talked about someone behind their back?
مش بمعنى النميمه بس ممكن اكون زعلانه منه فى حاجه ومحبش اعتب عليه لانى مش بعرف اعاتب

21.What’s the last piece of clothing you borrowed from anyone?
لا بصراحه مش بستلف هدوم من حد اصلى بقرف هههههههههه لا طبعا بس عمرى ما استلفت هدوم من حد

22.Who’s getting on your nerves right now?
ان حد عارف اناى بضايق من حاجه وعملها

Most visited webpage?
منتدى تامر لفرز

24. Coke or Pepsi
PePsi

25. Mac or PC?
PC

so to whom i will send the tag ??????!
انا هبعته لبودى حبيبى

كل سنه وانت طيب يا حبيب روحى

2009-03-28T18:04:00.002+02:00

اهداء الى حبيب العمر
فى يوم ميلادك انا جيت وغنيت
قولت كلام كتير وهنيت
كان نفسى اقدملك اكتر حاجه فى الدنيا
بس جيت بسرعه ومقدرتش اتأخر ولا ثانيه
علمتنى حاجات كتير فى الدنيا
ومن غيرك عرفت يعنى ايه مضيعش ولا ثانيه
شوفت ناس كتير اوى
لكن مشوفتش زي حنيتك فى الدنيا دى
دايما كان نفسى الاقى انسان يقدر معنى كلمه حب
ودلوقتى لقيت وعرفت انسان بقى هو ليا كل الحب
ازاى اكدب واقول بحبك
بصراحه بقى انا فى الحقيقه خلاص عشقتك
لما بكون معاك وابص فى ضى عنيك
والله بنسى هموم الدنيا واحسد نفسى عليك
تيجى نوعد بعض انا وانت
ولا يوم نتفرق عن بعضنا ابدا
ده انا وانت ملناش غير بعض
يا اغلى ما فى حياتى يااغلى من كل وعد

اغلى انسان فى حياتى
كل سنه وانت طيب يا حبيب روحى
كان نفسى اعمل حاجه اكتر من كده بس ده مجرد كلام
لكن كله بقى هيبقى يوم الجمعه P:
اعرف ان ده هيبقى اسعد يوم فى حياتى وحياتك
بحبك اوى وهفضل احبك لاخر يوم فى عمرى
كل سنه وانت جنبى يا روح قلبى

الاعتذار

2009-03-24T23:10:00.003+02:00

الاعتذار ما هو الاعتذار برأيك؟؟؟

هل الاعتذار عند الخطأ علامة تدل على الشخصية الضعيفة؟؟؟!!!
أم هل هو وسيلة لانهاء المشاكل؟؟؟
وهل يكون فقط بكلمة آسف؟!!
وهل تقبل اعتذار الأخرين لك في كل الحالات؟؟؟

أولا .... أن انت تشعر بالندم عن اللى صدر منك
ثانيا.... أن انت تتحمل المسؤولية على اللى انت عملته
ثالثا.... أن تكون حابب في انك تصلح الوضع ده

الى اغلى انسان فى حياتى >>>> BoDy

2009-03-22T23:51:00.002+02:00

أهم اختيارهو انت
أهم قرار هو أنت
أخترتك من وسط مئة الف مليون شخص ، بمحض إرادتي بكامل قواي العقلية
بمطلق ارادتي العاطفية دون خوف دون رقابة دون محاكم تفتيش ، لأنني
أحبك اكثر من الحب واعشقك أكثر من العشق

اخترتك ، وانا اسبح في بحيرة من عذاب ودموع العمر غير خائفة من الغرق
غير مبالية بأسماك القرش المسماة باسم البشر
اخترتك بعد أن وقف العالم كله صفاً واحداً ضدي

صرخت فيهم ، وقلت هاتفتاً هذه حياتي وهذا اختياري ، ارفض وصايتكم على
قلـــبي
صرخت وقلت لهم قلبي دولة مستقلة ترفع علمها مرسوم عليه حروف
أسمــك
صرخت بعدما أوتيت شجاعة العالم " هذا الحب هو وطني ، هو سكني ، هو كل
ماتبقى من حلم العمر

اخترتك لانك رجل استثنائي حالة فريدة من حالات الجنون العاقل أو
العقل المجنون
اخترتك لانك كف الزمن الحنون ، يد الايام الحانية لحظة الصدق الوحيدة
اخترتك ومعي سيف مشهر ارفعه في وجه كل ما لا يرضى فكرة العشق كمبدأ
ومن يرفض العواطف كجواز مرور

اخترتك دون حساب لفاتورة ماينتظرني من تحديات
حبيبي لا يوجد عاشق حقيقي وفي جيب قلبه آلة حسابات
فهل ستتركني بعد كل هذا ؟

(L) اهداء خاص الى حبيبى (L)

قصه الشاطر حسن

2009-03-20T15:34:00.002+02:00

يحكى أن هناك فتىً فقيراً يدعى حسن ، وكان يعمل صياداً

وذات يومٍ وهو سائر على شاطئ البحر

رأى فتاة حسناء تلبس أحس الثياب وأغلاه ، انبهر بملابسها ومن معها من الناس يتوددون إليها وينتظرون رهن إشارتها لتلبية أوامرها .

وفي اليوم التالي رأى تلك الفتاة مرة أخرى ، وهكذا تعود على رؤية تلك البنت الحسناء وهي كذلك تعودت أن تراه

وخاصة بعد أن أعجبت بنشاطه وصبره وحبه للعمل .

وبعد مرور الأيام والشهور فجأة انقطعت هذه الفتاة ولم يشاهدها الفتى

رجع إلى منزله وقد أحس أن هناك شيئاً ينقصه وأحس أن رؤية تلك الفتاة له وابتسامتها كانت تزيل عنه تعب وعناء اليوم بأكمله ..

وقرر الفتى الشهم البحث عن تلك الفتاة ربما أصابها مكروه وفي اليوم التالي

و كعادته بعد انتهاء العمل انتظر في ذات المكان فلم يجدها وبعد برهة وجد رجلاً يناديه ... فإذا هو أحد الرجال الذين كانوا يأتون مع تلك الفتاة فلما اقتر ب منه قال له تعالى معنا الآن .قال له : إلى أين . قال إلى قصر الملك . قال له : لماذا ؟

قال له هذا أمر الأميرة بنت ملكنا قال له أهي تعرفني ؟ قال له نعم . قال له إنني لم أرها من قبل ولم أذهب إلى الملك من قبل ولا مرة واحدة .قال له إنها كانت تراك كل يوم في هذا المكان . وهنا أدرك الشاطر حسن أن تلك الفتاة التي كان يراها هي الأميرة

قال للرجل وكيف حالها ؟ قال : إنها مريضة جداً وتريد أن تذهب إلى رحلة في البحر كما نصح الأطباء

وفعلا أخذها الشاطر حسن في رحلة إلى وسط البحر وقص علها قصص البحر والجن والصيادين والغواصين

واستمرت الرحلة عدة أيام ولم تعد الفتاة إلى أبيها الملك إلا بعد أن تم شفاؤها

ورجعت إلى قصرها وعرض الملك على الشاطر حسن أن يعمل لديه في القصر فاعتذر

وأعلنت الأميرة أنها تحب ذلك الشاب وتريد الزواج منه فحزن الملك لذلك ولكنها أصرت على طلبها

وفكر الملك في حيلة حتى لا يتم زواج ابنته من الشاطر حسن .... فقال له شرط موافقتي على زواجك من ابنتي أن

تأتي لي بدرة ثمينة لا يوجد مثلها في البلاد

وذهب الفتى حزينا كيف يأتي بهذه الجوهرة وهو فقير لا يملك الأموال وأخذ يدعو الله أن ييسر له هذا الأمر

وذات يوم لم يوفق في الصيد ولم يصطد من الأسماك إلا سمكة واحدة تكفي لعشائه فقط فرجع وهو راضٍ وقانع

بما رزقه الله وبينما هو ينظفها إذا هي تتكلم وتقول له إن بداخلي جوهرة ثمينة لا يوجد مثلها في البلاد

فاندهش الفتى وفتحها فوجد بداخلها جوهرة كبيرة لامعة وجميلة

وفي تلك اللحظة تذكر الملك وابنته الأميرة فقرر أن يطير إلى الملك ويعطيه الجوهرة

فوافق الملك على زواج الأميرة الحسناء من الفتى الجريء الشاطر حسن

تفتكرو ان لسه فى ناس بالشكل ده دلوقتى بتعقد كل حاجه فى الدنيا
علشان الجواز ميتمش وفى حصل مع حد مننا موقف زى ده
هتسلم وتبقى انسان ضعيف
ولا هتحاول مره واتنين وتلاته لحد ما توصل للى انت عاوزه؟؟؟؟!!

فضفضه من القلب

2009-03-19T14:57:00.003+02:00

بدايتا الكلام ده بجد من قلبى
من كام يوم كده انا كنت اسعد واحده فى الدنيا ومفتكرش ان كان فى حد مبسوط زى
بس كان جوايا خوف ان السعاده دى مش هتكمل على خير
واللى توقعته حصل ان انهارده مش مبسوطه خالص حاسه انى مخنوقه اوى
هو ليه ممكن لما انت تهتم بحد بيحبه تلاقيه هو عكسك فى الوقت ده
تلاقى منه عدم اهتمام وعدم احساس بيك
بس بجد نفسى محسش الاحساس ده تانى انا ما صدقت ارتحت فى حاجه معينه ومع انسان ربنا يصونهولى
بس يا ترى هفضل مخنوقه كتير ولا هيجى يصالحنى ):
اعمل ايه حتى لو مجاش مش هعرف اشيل منه ما انا بردو بحبه

الحب الاعمى يقوده الجنون

2009-03-18T03:36:00.004+02:00

لماذا الحب اعمى ومصحوب بالجنون؟

قبل خلق العالم كانت الرزائل والفضائل في الدنيا تتجول وكان من الحاضرين
(( الكذب والغباء والحب والجنون والرقة والقوة))
وكانو في حالة ضجر واقترحت الرقة ان يلعبوا لعبتا الاستغماية فبدأ الجنون بالعد
1 2 3 4
فصرخ الكذب انا ذاهب خلف الصخور وذهب ليختبيء خلف الشجرة
5 6 7 8
وذهبت الرقة واخذت لها مكان بين الورود
9 10 11 12
ذهبت القوة واختبئت بين الرعد
13 14 15 16
اما الحب فاختبا خلف شجيرة صغيرة
17 18 19 20
اما الخيانة فلم تختبيء ولماذا؟؟؟؟؟؟
21 22 23 24
الغباء ذهب والقى نفسه في البحر ليختبيء
25 26 27 28 29 30 انتهى الجنون من العد
واول من راى امامه الخيانة فذهبت الخيانة وهمست في اذنه القوة بين الرعد فكشفت نفسها القوة .
ومن ثم الغباء الذي لم يستطيع ان يبقى تحت الماء فكشف نفسه.
وعادت الخيانة وكشفت مكان الكذب .
اما الرقة فكانت كشفت نفسها لان الجنون بدا بالجنون فحزنت عليه .
لم يبقى سوى الحب
فعادت الخيانة لتكمل وقالت للجنون ان الحب خلف تلك الشجيرة الصغيرة
فاسأل الجنون غصنا مسنن وبدا بطعن تلك الشجرة بـجنون
سمعت الفضائل والرزائل صوت حنون يبكي وظهر الحب وهو مدمع العينين يقول
(( حرمتني من بصري ايها الجنون ))
فلشدة حزن الجنون اخذ بيد الحب وبدء المشوار
وهكذا اصبح الحب اعمى يقودوه الجنون ............

اولا انا كتبت القصه دى علشان بجد حستها رومانسيه اوى
تتخيلو ان الحب ده حاجه حنونه اوى
وبيستحمل كتير بس دايما احنا اللى بنصوره بصوره مش حلوه
ليه ميبقاش جنونا فى الحب ده بطريقه حلوه او بشكل ظريف؟؟؟
دايما جنونا فى الحب بيبقى خطأ لدرجه انه ممكن يخلينا نخسر
اعز الناس فى حياتنا
ليه منتوعدش مع حبنا ده اننا نحافظ عليه حتى لو الانسان بيتصرف بشكل غلط؟
بلاش نشوه صوره الحب او جنونا فى الحب
لان صعب اوى اننا نلاقى حب ويكون فيه جنون يقوده علشان يكمل